ჟოზე მოურინიო "მანჩესტერ იუნაიტედის" მომდევნო მწვრთნელის პოსტს დათანხმდა.

პორტუგალიელი სპეციალისტის სახელს დიდი ხანია უკავშირებენ "წითელ ეშმაკებს", ლუი ვან გაალს კი კლუბიდან გაძევებას უწინასწარმეტყველებენ.

Tuttomercatoweb იტყობინება, რომ მოურინიო ვან გაალის შემცვლელი იქნება და "ოლდ ტრაფორდზე" იმუშავებს.

დეტალები ჯერჯერობით უცნობია, მაგრამ პრესის თანახმად, საბოლოო გადაწყვეტილება, თუ როდის ჩაიბარებს მოურინიო გუნდს, "იუნაიტედის" ხელმძღვანელობამ უნდა მიიღოს.

ვან გაალის კონტრაქტი 2017 წლამდე არის გათვლილი და მიუხედავად იმისა, რომ მიმდინარე კვირაში მისი წასვლის შესახებ ბევრი დაიწერა, ლუის გაძევება ზაფხულში უფრო მოსალოდნელია.

წყარო: tuttomercato