მატეო დარმიანი მანჩესტერულ ცხოვრებას უკვე შეეგუა "ლივერპულთან" სათამაშოდ უკვე მზად არის.

დარმიანი მასიმო ტაიბის შემდეგ მხოლოდ მეორე იტალიელი ფეხბურთელი იქნება, რომელიც "ენფილდზე" "წითელი ეშმაკების" მაისურს მოირგებს.

სანამ დარმიანი დიდი გამოცდისთვის ემზადება, იტალიელი იმედგაცრუებულია "ნიუკასლთან" შედეგით.

"იმედგაცრუებულები ვართ, რადგან 2-0 ვიგებდით. ამის შემდეგ კი მატჩის დასრულების შანსი გვქონდა. მაგრამ ეს არის ფეხბურთი, რომელშიც ხანდახან 90-ე წუთზე, ან თუნდაც უკანასკნელ წამზეც შეიძლება გოლის გატანა, ამიტომაც ვსაუბრობრთ ახლა ფრეზე და არა - მოგებაზე.

კვირის ბოლოს დიდი მატჩი გვაქვს "ლივერპულის" წინააღმდეგ. შევეცდებით, ამ მატჩისთვის მზად ვიყოთ და ახლა მხოლოდ ამ გამოწვევაზე ვამახვილებთ ყურადღებას - რა თქმა უნდა, მოგება გვინდა", - განაცხადა დარმიანმა.

უეინ რუნიმ ორი გოლი გაიტანა "ჯორდების" წინააღმდეგ, რომელთაგან ერთ-ერთი საჯარიმოს გარედან ბრწყინვალე დარტყმული გამოდგა, "ლივერპულთან" მატჩს კი ბოლო სამ მატჩში გატანილი 4 გოლით ხვდება.

"ის დიდებული თავდამსხმელია და გოლები ამაზე მეტყველებს. იმედი მაქვს, ასეც გაგრძელდება". - დაასრულა იტალიელმა.

წყარო: manutd.com