"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ იანვარში ფეხბურთელს მხოლოდ იმ შემთხვევაში შეიძენს, თუკი ჩათვლის, რომ მისი გუნდის დონეს ვინმე აკმაყოფილებს.

"წითელი ეშმაკები" შეტევის ხაზის გაძლიერებას აპირებენ და მათ სამიზნეთა სიაში უამრავი ფეხბურთელია.

"იუნაიტედის" სახელს გარეტ ბეილს, სადიო მანეს, რომელუ ლუკაკუს, ფელიპე ანდერსონსა და ევროპის სხვა წამყვანი გუნდების ფეხბურთელებს უკავშირებენ, მაგრამ ვან გაალი თვლის, რომ ზამთარში ფეხბურთელის შეძენა არცთუ ჭკვიანურია.

"არა მგონია, იანვარში ფეხბურთელის გადაბირება ჭკვიანური იყოს. როცა შესაძლებელი იქნება და ჩვენც ვიფიქრებთ, რომ ვიღაც ჩვენს დონეს დააკმაყოფილებს, რა თქმა უნდა, შევიძენთ, მაგრამ ჩვეულებრივ ამას არ ვაკეთებთ. არც შარშან გავაკეთეთ", – განაცხადა ვან გაალმა.

წყარო: manutd.com