დავიდ დე ხეას უახლესმა ფოტოსურათმა "მანჩესტერ იუნაიტედის" გულშემატკივარი პანიკაში ჩააგდო.

ესპანეთის ნაკრების ფეხბურთელი მიმდინარე სეზონშიც გამოირჩევა "მანჩესტერ იუნაიტედის" შემადგენლობაში და ლუი ვან გაალის გუნდს არაერთხელ დახმარებია არაჩვეულებრივი სეივით.

ზაფხულში დე ხეამ მადრიდის "რეალში" გადასვლა ვერ მოახერხა და თითქოს ეს საკითხი მოგვარებული იყო, მაგრამ Facebook გვერდზე გავრცელებულმა მისმა ბოლო ფოტოსურათმა გულშემატკივარში უკმაყოფილება გამოიწვია.

საქმე ისაა, რომ დავიდ დე ხეას ფოტოზე აცვია მაისური, რომელსაც არ აქვს "იუნაიტედის" ლოგო და ძალიან ჰგავს მადრიდის "რეალის" მაისურს. "იუნაიტედისა" და "რეალის" მაისურებს Adidas-ი კერავს და მეკარეთა მაისურები ფერითაც მსგავსია.