"მანჩესტერ იუნაიტედის" მცველმა, ფილ ჯონსმა შექმნილ ვითარებაში პოზიტივის დანახვა სცადა და განაცხადა, რომ გასახდელში ახლა უკეთესი მდგომარეობაა, ვიდრე დევიდ მოიესის დროს იყო.

"ვერ ვიტყოდი, რომ ეს ყველაზე ცუდი მომენტია. დევიდ მოიესის დროს, თუ გნებავთ, ყველაფერი საკმაოდ საშინლად იყო. წარმატებას ვერ ვაღწევდით და ვერც კარგად ვთამაშობდით.

იმის დამტკიცების საფუძველი არც ახლა გვაქვს, რომ ამ სეზონში კარგად ვთამაშობთ, რადგან ზედიზედ სამი მატჩი წავაგეთ, მაგრამ დროდადრო კარგები ვართ. ერთად დგომაა საჭირო, ეს ერთადერთი რამ არის, რის გაკეთებაც შეგვიძლია.

მწვრთნელი ყველაფერს აკეთებს, რაც შეუძლია და შესანიშნავად უმკლავდება. გასახდელში არსებულ ატმოსფეროსთან დაკავშირებით ეჭვი არ არსებობს. ბიჭები მობიზილებულნი არიან და კარგ თამაშს ცდილობენ მწვრთნელის, გულშემატკივრისა და საკუთარი თავისთვის.

მოთამაშეები არავის ემალებიან. შესანიშნავად გვესმის, რომ პასუხი ჩვენ უნდა ვაგოთ. სხვაგვარად ვერც იქნება. გუნდს მწვრთნელი ირჩევს, გუნდი კი უნდა გამოვიდეს და მთელი ძალით შეეცადოს.

შესაძლოა, კარგად ვერ ვთამაშობთ ან ხანდახან ვთამაშობთ, გოლებს ვერ ვიტანთ, ან კიდევ რაღაც, მაგრამ ჩვენ, მოთამაშეებს, ერთად დგომა და პასუხისმგებლობის საკუთარ თავზე აღება მოგვიწევს. აქ ორი ვარიანტი ვერ იქნება.

უბრალოდ შრომა უნდა გავაგრძელოთ, მომენტები შევქმნათ და იმედი მაქვს, ვინმეს 4:0 ან 5:0 დავამარცხებთ. მაგრამ პირველ რიგში ფუძეს უნდა დავუბრუნდეთ და თავი ხელში ავიყვანოთ", - განაცხადა ფილ ჯონსმა.