ლუი ვან გაალი არ იქნება "მანჩესტერ იუნაიტედის" მწვრთნელი, მაგრამ ის ახლა არ უნდა დაითხოვონ, აცხადებს ჯონ ქროსი.

"როცა "იუნაიტედმა" ვან გაალი დაიქირავა, ნამდვილად ვიცოდით, რას მიიღებდნენ - მეთოდურ, ნელ და დამღლელ ფეხბურთს. "იუნაიტედი" იყო ნელი, პასებს აქეთ-იქით აკეთებდა და მოსაწყენად თამაშობდა.

ასე დიდხანს ვერ გაგრძელდება, მაგრამ ახლა პანიკის ღილაკზე დაჭერა, სრულიად უცნაური იქნება. დიახ, კატასტროფა იყო ჩემპიონთა ლიგიდან გავარდნა და ევროპის ლიგაზე თამაში, მაგრამ პრემიერ ლიგაში ჯერ კიდევ ყველაფერი რიგზეა და ამ მხრივ გაბრაზების არ მესმის.

დადგება თებერვალი და თუ იგივე მდგომარეობა იქნება, მერე ვილაპარაკოთ. მაგრამ არ ვფიქრობ, რომ ვან გაალი მომდევნო სეზონში "იუნაიტედს" გაწვრთნის - ასეთი შეგრძნება მაქვს.

ზოგიერთი შენაძენი ფეხბურთელი მართლაც ცუდად თამაშობს და არა მგონია, ვან გაალი პროგრესირებდეს", - განაცხადა ჯონ ქროსმა.

წყარო: skysports