"მანჩესტერ იუნაიტედი" ევროპის საკლუბო რეიტინგში მეოცე ადგილზე ჩამოქვეითდა.

უეფა-ს წესების თანახმად, კლუბებს სარეიტინგო ქულები ბოლო ხუთი წლის განმავლობაში ევროპაში ნაჩვენები შედეგების მიხედვით ეწერებათ.

ჩემპიონთა ლიგაზე პროგრესის შესაბამისი ქულები:

პირველ საკვალიფიკაციო რაუნდში გასვლა - 0.5 ქულა
მეორე საკვალიფიკაციო რაუნდში გასვლა - 1 ქულა
ჯგუფურ ეტაპზე მონაწილეობა - 4 ქულა
ჯგუფურ ეტაპზე მოგება - 2 ქულა
ჯგუფურ ეტაპზე ფრე - 1 ქულა
1/16 ფინალში გასვლა - 4 ქულა

2009/10 წლების სეზონიდან გუნდები 1/16 ფინალში გასვლის გამო დამატებითი ქულებით ჯილდოვდებიან.

ჩემპიონთა ლიგის მესამე საკვალიფიკაციო რაუნდში გასვლის გამო გუნდები დამატებით ქულებს არ იღებენ, რადგან ამავე ეტაპიდან გამოთიშვის შემთხვევაში ისინი ევროპის ლიგის შესაბამის ქულებს იღებენ.

ევროპის ლიგაზე პროგრესის შესაბამისი ქულები:

პირველ საკვალიფიკაციო რაუნდში გასვლა - 0.25 ქულა
მეორე საკვალიფიკაციო რაუნდში გასვლა - 0.5 ქულა
მესამე საკვალიფიკაციო რაუნდში მონაწილეობა - 1 ქულა
პლეი-ოფში მონაწილეობა - 1.5 ქულა
ჯგუფურ ეტაპზე გამარჯვება - 2 ქულა
ჯგუფურ ეტაპზე ფრე - 1 ქულა

2009/10 წლების სეზონიდან კლუბები მინიმუმ 2 ქულით ჯილდოვდებიან იმ შემთხვევაში, თუ ჯგუფურ ეტაპზე მიიღებენ მონაწილეობას, ხოლო მეოთხედფინალში, ნახევარფინალსა და ფინალში გასვლის შემთხვევაში დამატებით ქულებს მიიღებენ.

კოეფიციენტების დათვლა

კლუბების კოეფიციენტები ბოლო ხუთი სეზონის განმავლობაში ევროპაში დაგროვებული ქულების საშუალო არითმეტიკულით გამოითვლება და ემატება საფეხბურთო ასოციაციის სარეიტინგო ქულების 20%.