არგენტინელი მიმდინარე წელს ინგლისური ფეხბურთის ყველაზე ძვირადღირებული შენაძენობის შემდეგ მოიშორეს, მაგრამ სტატისტიკა ამტკიცებს, რომ მას ჯერ კიდევ ბევრი რამის შეთავაზება შეუძლია.

მაშინ, როცა ლუი ვან გაალი ფლანგებზე კრეატიულობასა და სისწრაფეს უჩივის, ანხელ დი მარია ლიგა 1-ს კლუბებს პსჟ-ს შემადგენლობაში სიცოცხლეს უმწარებს.

დი მარიამ მალე დაიწყო იმ ფორმის ჩვენება, რომელშიც "წითელმა ეშმაკებმა" 2014 წელს 59.7 მლნ. ფუნტი გადაიხადეს, "ტულუზასთან" 40 იარდიდან ჯარიმის გატანის მიუხედავადაც კი, "იუნაიტედის" სტატიკური შეტევა გულშემატკივარს განარისხებს.

მესუთ ოზილი მთელ თავის ოსტატობასა და ჭკუას ავლენს, რომელიც "იუნაიტედს" აკლია და თავისი თამაშის გამო ქება-დიდებას იმსახურებს - ასევე პასების შედეგის გამო - მიმდინარე სეზონში, მაგრამ საკვირველია და, დი მარია მისი უახლოესი კონკურენტია პრემიერ ლიგაში.

ერთი საგოლე გადაცემა მატჩების საშუალო რაოდენობაში

ითვლება მხოლოდ ის ფეხბურთელები, რომელთაც მინიმუმ 10 საგოლე გადაცემა აქვთ შესრულებული

არგენტინელისგან განსხვავებით, ოზილის ინგლისური კარიერა რთულად დაიწყო და ის ხშირად ხვდებოდა სათადარიგოთა სკამზე, მაგრამ არსენ ვენგერმა მისდამი რწმენა შეინარჩუნა და გერმანელი ახლა ამაგს იხდის.

ოზილს მიმდინარე სეზონში უკვე 10 საგოლე გადაცემა დაუგროვდა და ყველა დროის საუკეთესო ასისტენტთა სიას ლიდერობს. საგოლე პასის გასაკეთებლად მას საშუალოდ 2.46 მატჩი სჭირდება, მის უახლოეს მდევრად კი "იუნაიტედიდან" წასული ანხელ დი მარია რჩება, რომელსაც იგივე მაჩვენებლის მიხედვით 2.7 მატჩი სჭირდებოდა.

უფრო მეტიც, ვან გაალმა თავიდან მოიშორა პრემიერ ლიგის ერთ-ერთი ყველაზე შემქომედი ფეხბურთელი, როცა ზაფხულში ლუიშ ნანი გაყიდა "ფენერბაჰჩეში".

ვან გაალის სახეს კიდევ უფრო მეტი აღშფოთება რომ შეემატოს, დი მარია ძალიან ადვილად მოერგო საფრანგეთის დედაქალაქს და მაშინვე დაიწყო გოლების გატანა და საგოლე გადაცემების კეთება, რაშიც ყოველ ყოფილ თანაგუნდელს ჯობს.

წუთების საშუალო რაოდენობა ერთი გოლის გასატანად ან საგოლე პასის გასაკეთებლად (2015-2016)

ანხელ დი მარია გოლს იტანს ან საგოლე გადაცემას აკეთებს საშუალოდ 46 წუთით ადრე, ვიდრე "იუნაიტედის" ყველაზე აქტიური ფეხბურთელი ხუან მატა, ხოლო მასზე უკეთესი შედეგი ამჟამად "დორტმუნდში" იჯარის წესით მოასპარეზე ადნან იანუზაის აქვს, რომელიც საშაულოდ ყოველ 127 წუთში ერთხელ აკეთებდა საგოლე გადაცემას ან იტანდა გოლს.

მახვილი მზერის მქონე მკითხველი სხვა რამესაც შენიშნავდა: კაპიტანი უეინ რუნი საგოლე პასს აკეთებს ან გოლს იტანს ყოველ 491 წუთში ერთხელ (დი მარიაზე 5-ჯერ ცუდი შედეგი), ხოლო მემფის დეპაის ერთადერთი გოლი აქვს 589 წუთში.

თვითონ თქვით| როგორ ფიქრობთ? მართალი იყო ვან გაალი, დი მარია რომ გაყიდა თუ "იუნაიტედს" მისი სიმწვავე და ოსტატობა აკლია? შეიძლება, უბრალოდ პრემიერ ლიგას ვერ მოერგო? პასუხები გამოკითხვაში და კომენტარის სახით დააფიქსირეთ...

წყარო: goal.com

შეცდა ვან გაალი, როცა დი მარია გაყიდა?

დიახ! მას ჯერ კიდევ ბერი რამის შეთავაზება შეუძლია

არა! ის პრემიერ ლიგას ვერასდროს მოერგებოდა

ხმის მიცემა შედეგები