ლუი ვან გაალმა აღნიშნა, რომ იანვარში "მანჩესტერ იუნაიტედი" სატრანსფერო ბაზარზე გავა, რათა გუნდისთვის აუცილებელი ვინგერი შეიძინოს.

"ვესტ ბრომვიჩის" წინააღმდეგ მატჩში, რომელშიც "წითელმა ეშმაკებმა" 2-0 გაიმარჯვეს, ფლანგებზე ჯესი ლინგარდი და ხუან მატა იდგნენ, რომლებმაც თითო გოლი გაიტანეს.

მაგრამ მატჩის შემდეგ ვან გაალმა აღნიშნა, რომ არცერთი მათგანია საუკეთესო და "იუნაიტედს" ფლანგებზე პრობლემა აქვს, რის მოგვარებასაც იანვარში აპირებს.

"ჩემს პირველ სეზონში მრავალჯერ ვთქვი, რომ სისწრაფე და კრეატიულობა გვჭირდებოდა ფლანგებზე.

ახლა ჯესი ლინგარდით ვთამაშობთ ფლანგზე, რომელიც ნამდვილად არ არის მსოფლიოს უსწრაფესი ვინგერი და ასევე მატათი, რომელიც ასევე არ არის მსოფლიოს ყველაზე სწრაფი ვინგერი.

ასე რომ, პირველ რიგში ეს პრობლემა უნდა მოვაგვაროთ და შემდეგ ვნახოთ, როგორ ვითამაშებთ და როგორი ბალანსი გვექნება ფლანგების სისწრაფეში", - განაცხადა ვან გაალმა.

"იუნაიტედი" ზაფხულში "საუთჰემპტონის" ფეხბურთელით, სადიო მანეთი ინტერესდებოდა, თუმცა ვან გაალი ედენ აზარისა და ნეიმარის გადაბირებასაც ცდილობდა.

მათ გარდა ლუის გარეტ ბეილის შეძენაც სურდა, თუმცა 64 წლის სპეციალისტმა ვერც ერთი ტრანსფერი განახორციელა და კლუბი კვლავ თავის რესურსს ეყრდნობა.

"ეს იმაზეცაა დამოკიდებული, თუ ვის ყიდვას შევძლებ. ბევრი ფეხბურთელის ყიდვა მინდა, მაგრამ ყველა მათგანი არ იყიდება. ასე რომ, მრავალი ფაქტორი არსებობს.

ასევე დამოკიდებულია ლუკ შოუს გამოჯანმრთელების პროცესზე - რამდენი ხანი დასჭირდება მას", - დაამატა ვან გაალმა.

წყარო: M.E.N.