"ტოტენჰემისა" და ქპრ-ს ყოფილი მწვრთნელი, ჰარი რედნაპი თვლის, რომ "მანჩესტერ იუნაიტედის" ამჟამინდელი ფეხბურთელებიდან ვერც ერთი ითამაშებდა სერ ალექს ფერგიუსონის ხელმძღვანელობის ქვეშ "წითელი ეშმაკების" რიგებში.

ბოლო პერიოდში ლუი ვან გაალს ხშირად აკრიტიკებენ არასანახაობრივი ფეხბურთის ჩვენების გამო, მაგრამ რედნაპს მიაჩნია, რომ ყველაფერი ფეხბურთელების ბრალია, რომლებიც ჰოლანდიელის განკარგულებაში არიან.

"უბრალო ჭეშმარიტება მდგომარეობს იმაში, რომ ფერგიუსონიც კი - ერთ-ერთი უდიდესი მწვრთნელი - ვერ მოახერხებდა ამ შემადგენლობით ტიტულის მოგებას.

არ მინდა უპატივცემულობა გამოვავლინო, მაგრამ არ ვფიქრობ, რომ დღევანდელი შემადგენლობიდან რომელიმეს ათამაშებდა ფერგიუსონი გუნდში, ეს კი ყველაზე უკეთ მეტყველებს იმაზე, თუ როგორ მასალასთან უხდება მუშაობა ვან გაალს.

როგორც თავის დროზე დევიდ მოიესმა აღმოაჩინა, როგორც ახლა ვან გაალი აღმოაჩენს, ეს ფეხბურთელები უბრალოდ არ შეესაბამებიან დონეს. ეჭვგარეშეა, ტოპ-გუნდად რჩება "იუნაიტედი", მაგრამ ახლოსაც კი არ არის იმასთან, რომ ლიგაში სხვა გუნდებს აჯობოს", - დაწერა რედნაპმა თავის გრაფაში.