მადრიდის "ატლეტიკოს" ფრანგი თავდამსხმელით დიდი ხანია რაც ლონდონის "ჩელსი" ინტერესდება, თუმცა "იუნაიტედი" აპირებს ლონდონური კლუბის ირგვლივ არსებული პრობლემებით ისარგებლოს და ფრანგი ვარსკვლავი მანჩესტერში გადმოიბიროს.

talkSPORT ირწმუნება, რომ "მანჩესტერ იუნაიტედი" მზადაა ანტუან გრიზმანში, რომელიც დღესდღეობით ერთ–ერთ ყველაზე მოთხოვნად თავდამსხმელად ითვლება, £57 მილიონი გადაიხადოს.

ამ სეზონში, გრიზმანმა უკვე შეძლო მეტოქის კარის 6–ჯერ აღება. რაც შეეხება "იუნაიტედს", მათ უკვე სამი თამაშია მეტოქის კარში ბურთი არ გაუტანიათ, ამიტომ 24 წლის ფრანგის შესაძლებლობები ნამდვილად გამოსადეგი იქნება მათი შეტევისთვის.

"იუნაიტედს" კვლავ უკავშირებენ მადრიდის "რეალის" უელსელ ფეხბურთელს გარეთ ბეილს, თუმცა ამ უკანასკნელის ტრანსფერი უფრო არარეალურია. ცოტა ხნის წინ გრიზმანმა "ატლეტიკოსთან" ახალ კონტრაქტს მოაწერა ხელი, თუმცა ფრანგის ტრანსფერი ჯერ კიდევ შესაძლებელია იმ შემთხვევაში, თუ მისი ამჟამინდელი კლუბი ხელსაყრელ წინადადებას მიიღებს.

შეგახსენებთ, რომ ანტუანმა, "რეალ სოსიედადში" ასპარეზობიდან მოყოლებული 63 მატჩის ჩატარება შეძლო და 31 გოლი გაიტანა.

წყარო: express.co.uk