"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ ანტონიო ვალენსია ოთხშაბათს ლიგის თასის მატჩში მონაწილეობას ვერ მიიღებს.

ეკვადორელმა ფეხბურთელმა "მანჩესტერ სიტისთან" მატჩში ფეხის ტრავმა მიიღო და ლიგის თასის მეოთხე რაუნდის მატჩში "მიდლსბროსთან" ვერ ითამაშებს.

კლუბის ოფიციალურ ტელევიზიასთან საუბარში ვან გაალმა განაცხადა, რომ "წითელ ზონაში" ბევრი ფეხბურთელი ჰყავს და შესაძლოა, უკეთესიც კი იყოს რამდენიმე მოთამაშისთვის დასვენების საშუალების მიცემა, მაგრამ ჯერ კიდევ უნდა დაფიქრდეს.

"რა თქმა უნდა, ვალენსია ტრავმირებულია - ამას ყველა დაინახავდით.

მაგრამ "წითელ ზონაში" ბევრი ფეხბურთელი მყავს, რადგან მრავალი მატჩი ჩავატარეთ და კიდევ მრავალი მატჩი უნდა ჩავატაროთ. უნდა ვნახო, გამოვიყენებ მათ თუ ვერა. ოთხშაბათს უნდა გადავწყვიტო. აღდგენისთვის ყოველი დღე გვჭირდება, ამიტომ ჯერ რთულია თქმა", - განაცხადა ვან გაალმა.

ჯეიმს უილსონი და ანდრეას პერეირა, "იპსვიჩ თაუნთან" ერთ-ერთი გოლის ავტორი, ვან გაალის გონებაში არიან ასევე და თამაშის შანსი მათაც აქვთ.

"დიახ, რა თქმა უნდა, გუნდის სელექციაში არიან. მაგრამ შემადგენლობა მე უნდა ავირჩიო და ჯერ არ ვიცი. ამას ოთხშაბათს გავაკეთებ".

წყარო: manutd.com