ჩვენი ბოლო პროექტის შემდეგ, დაგპირდით, რომ ჩვენი საიტი გაჩერებას არ აპირებდა, იგი მუდამ განვითარებისკენ იღწვის. როგორც ყოველთვის, პირობა შესრულებულია. „მანჩესტერ იუნიატედის“ ფანებისთვის გამორჩეული და ნომერ პირველი ქართული საიტი სახეს იცვლის.

როგორც შეამჩნიეთ, Redarmy.ge კვლავ განახლებისა და განვითარებისკენ მიიწევს.

საიტზე ჩატარდა სამუშაოები, რომლის შედეგადაც ჩვენი საიტი ბევრად უფრო პროდუქტიული გახდა, ვიდრე აქამდე ყოფილა. თქვენ შეამჩნიეთ, რომ მთლიანად განახლდა მთავარი გვერდი და ამის არ შემჩნევა წარმოუდგენელია, თუმცა გარდა მთავარი გვერდისა, საიტს დაემატა უამრავი დეტალი, რომელიც ერთი შეხედვით შესაძლოა, შეუმჩნეველი იყოს.

მე მოგიყვებით თითოეული მათგანის შესახებ.

პირველ რიგში, სანამ სიახლეებზე დავიწყებდეთ საუბარს, უნდა აღინიშნოს, რომ ჩვენს საიტს დღეიდან უნიკალური შესაძლებლობა აქვს, რომელსაც საკუთარი სამართავი პანელი ჰქვია. ამიერიდან, ყველა სტატისტიკური მონაცემი, მომდევნო და წინა მატჩის მონაცემი, კალენდარი, ფეხბურთელების პროფილები, ტიტულები და ყველა სხვა მონაცემი, რომელიც ყოველდღიურ განახლებას საჭიროებს, პანელიდან გავაკონტროლებთ.

ეს ნიშნავს იმას, რომ ჩვენი სამუშაო საგრძნობლად შემსუბუქდა, ვინაიდან აღარ მოგვიწევს მონაცემების ხელით ჩასწორება. ამისთვის გვაქვს უნიკალური პანელი, რომლის, მაგალითად, სტატისტიკის რედაქტირების განყოფილება, ვიზუალურად ასე გამოიყურება :



ახლა რაც შეეხება უშუალოდ საიტზე განხორციელებულ სიახლეებს.

მთავარი გვერდი

როგორც გახსოვთ, ჯერ კიდევ გუშინ, საიტის მთავარ გვერდზე სიახლეები განლაგებული იყო ჰორიზონტალურად (ზემოდან-ქვემოთ), რაც მოითხოვდა მუდმივ სქროლვას. გარდა ამისა, ამგვარი წყობა საშუალებას არ გვაძლევდა, სხვა მნიშვნელოვანი კატეგორიები გამოგვეტანა მთავარ გვერდზე, რის გამოც, უამრავი დეტალი თვალისთვის უხილავი იყო. სწორედ ამიტომ, გადავწყვიტეთ, შეგვეცვალა საიტის კონცეფცია და შედეგი სახეზეა.

მთავარ გვერდზე დამატებული სლაიდერის წყალობით, ჩვენ გვაქვს საშუალება გამოვაჩინოთ ვიდეოების, სტატიების, გალერეის, ხუან მატას ბლოგისა და სტატისტიკის განყოფილება.

ფოტო #1



მთავარი გვერდი - როგორც ხედავთ, მთავარ გვერდზე გამოტანილი სლაიდერი მოიცავს სტანდარტულ ინფორმაციას : სიახლის დამატების დროს, ავტორის სახელს, ნახვების რაოდენობას, სიახლის სახელსა და მოკლე ინფორმაციას. სლაიდერში მოცემულია ოთხი ბოლოს დამატებული სიახლე.

ჩვენ გავითვალისწინეთ სიახლეების სიმრავლე და სხვა სიახლეები რომ არ დაკარგულიყო, სწორედ ამიტომ დავამატეთ სპეციალური სივრცე, სადაც გამოტანილია ბოლოს დამატებული სიახლეები. მარჯვენა მაღალ კუთხეში მინი სლაიდერია, რომლის გამოყენების შემთხვევაშიც გამოჩნდება დამატებითი ექვს-ექვსი სიახლე - სულ 18. მთლიანობაში მთავარ გვერდზე გამოჩნდება 22 ძირითადი სიახლე, რომელიც ბოლოს დაემატა საიტს.

ფოტო #2



მთავარ გვერდზე გარდა სიახლეებისა, გამოჩნდება ვიდეოები, რომელიც დართული აქვს სიახლეებს ან დამატებულია ცალკე ვიდეოს სახით. ეს გაგიმარტივებთ საქმეს და ძალიან მარტივად შეძლებთ მოიძიოთ სასურველი ვიდეო მასალა, რომელიც ჩვენს საიტზე არსებობს.

ფოტო #3



ჩვენს საიტზე უამრავი მკითხველი ყავს მოცულობით დიდ სტატიებს, ვინაიდან ის ჩვენი ავტორების წყალობით ყოველთვის ინფორმაციული და საინტერესოა. დღეიდან, თქვენ აღარ მოგიწევთ მათი ძებნა, ვინაიდან ჩვენს მთავარ გვერდზე ისინი მუდმივად გამოჩნდებიან.

ფოტო #4



ფეხბურთის განუყოფელი ნაწილია ფოტოები, ვინაიდან მატჩის დასრულების შემდეგ ყველანი გამალებით ვეძებთ თამაშის მიმდინარეობისას განვითარებული მოვლენების ფოტოკოლაჟს. ეს კატეგორია, სამწუხაროდ, არც ისე პოპულარული იყო ჩვენს საიტზე, თუმცა მოთხოვნილება ყოველთვის არსებობდა. სწორედ ამიტომ, ჩვენი საიტი დღეიდან საშუალებას მოგცემთ ბევრი ძებნისა და წუწუნის გარეშე, მოიპოვოთ სასურველი ფოტოები პირდაპირ მთავარი გვერდიდან.

ფოტო #5



როგორც სტატისტიკა მოწმობს, ხუან მატას ბლოგი ერთ-ერთი ყველაზე პოპულარული რუბრიკაა. გარდა ამისა, "იუნაიტედის" ვარსკვლავი გამოირჩევა კარგი ანალიტიკური აზროვნებით, გულშემატკივრებთან თბილი დამოკიდებულებით და თავისუფლად შეიძლება ითქვას, მისგან კარგი მწერალიც დადგებოდა. ამ და კიდევ სხვა მიზეზების გამო, ჩვენ გადავწყვიტეთ მთავარ გვერდზე გამოგვეტანა ყველა მის მიერ დაწერილი ბლოგპოსტი.

ფოტო #6



ჩვენი საიტი, როგორც ყოველთვის, გამორჩეულია ინფორმაციულობის მხრივ და ამის დასტურია მორიგი ინოვაცია, რომელიც ჩვენს მთავარ გვერდზე დაინერგა. სტატისტიკა, რომელსაც თქვენ ფოტოზე ხედავთ, მათემატიკური სიზუსტით გადმოგცემთ როგორც მთლიანად გუნდის, ასევე თითოეული ფეხბურთელის სტატისტიკას მიმდინარე წელს. ამ სპეციალურად შემუშავებულ დაფას, აქვს უნიკალური ფუნქცია, რომელიც არჩევანის საშუალებას გაძლევთ თავად გადაწყვიტოთ, რომელი ტურნირის სტატისტიკა გაინტერესებთ. ამის გაკეთება თქვენ მარჯვენა მაღალ კუთხეში არსებული მენიუს საშუალებით შეგიძლიათ.

ფოტოზე მოცემულია ყველა ტურნირის სტატისტიკა. თუ ჩვენ შევცვლით ბრძანებას და ავირჩევთ მხოლოდ პრემიერ ლიგას, მონაცემები ავტომატურად შეიცვლება.

მაგალითად:



ამით დავასრულებ მთავარ გვერდზე დანერგილი სიახლეების შესახებ საუბარს. ახლა გადავინაცვლოთ სხვა მნისვნელოვან განყოფილებებში.

ასეთია მაგალითად ფეხბურთელების გვერდი.

ფოტო #7



ფეხბურთელების გვერდს დაემატა სტატისტიკა, რომელიც დაყოფილია ტურნირების მიხედვით. მაგალითად : ფოტოზე ვხედავთ ფილ ჯონსის სტატისტიკას, რომელმაც 2015/16 წლის სეზონში, ყველა ტურნირის მონაცემებით ჩაატარა 8 მატჩი, აქედან 5-ჯერ დაიწყო ძირითადში, 3-ჯერ კი შეცვლაზე შემოვიდა. მას აქვს ერთი ყვითელი, არცერთი წითელი, ნული გოლი და ნული გატანილი პენალტი. ვფიქრობ, ყველაფერი ნათელია.

ფოტო #8



როგორც მიხვდით, ფეხბურთელების პერსონალურ პროფილზეც სიახლეებია. ამიერიდან, თქვენ შეგიძლიათ, იხილოთ ყველა ფეხბურთელის სტატისტიკა მიმდინარე სეზონში, რომელიც გამოხატულია როგორც ცხრილით, აგრეთვე დიაგრამით. გარდა სტატისტიკისა, თქვენ გაქვთ საშუალება წაიკითხოთ მისი ბიოგრაფია, იხილოთ მოპოვებული ტიტულები და დაათვალიეროთ გალერეა.





ეს ყველაფერი დასაწყისია, წინ კიდევ ბევრი განსახორციელებელი გეგმაა !

პატივისცემით,
REDARMY.GE - ს ადმინისტრაცია.