"მანჩესტერ იუნაიტედი" მარკოს როხოს ზამთრის სატრანსფერო ფანჯარაზე გაყიდის და არგენტინელს "პორტუს" მცველით, ბრუნო მარტინს ინდით შეცვლის.

ლუი ვან გაალისა და მარკოს როხოს ურთიერთობა, როგორც ცნობილია, გართულდა და ჰოლანდიელი სპეციალისტი მის იდეალურ შემცვლელად მარტინს ინდის მოიაზრებს.

როხოს მსგავსად, ინდიც მარცხენა ფეხით თამაშობს და დაცვის ცენტრალური და მარცხენა პოზიციების დაფარვა შეუძლია, რაც გააკეთა კიდეც "ჩელსისთან" ჩემპიონთა ლიგის მატჩში.

"იუნაიტედმა" უკვე გაგზავნა სკაუტები მარტინს ინდიზე დასაკვირვებლად, რომელმაც სანაკრებო სადებიუტო მატჩი ლუი ვან გაალის ხელმძღვანელობით ჩაატარა და გასულ მსოფლიო ჩემპიონატზე 7 მატჩიდან ექვსში მიიღო მონაწილეობა.

ჰოლანდიელი ფეხბურთელის მოქმედი კონტრაქტი 2018 წელს იწურება და როგორც მოსალოდნელია, კარიერას ზამთრიდან "ოლდ ტრაფორდზე" გააგრძელებს.

წყარო: M.E.N.