25-09-2015, 18:01

ავტორი: Wardell,

ნანახია: 2624,

კომენტარები: 12

"მანჩესტერ იუნაიტედი" - "სანდერლენდი" (პრევიუ)

ხვალ გასამართი შეხვედრის პრევიუ.

"მანჩესტერ იუნაიტედი" -"სანდერლენდი" (პრევიუ)

სტადიონი: "ოლდ ტრაფორდი", მანჩესტერი
მონაცემი: ინგლისის პრემიერ ლიგა, მე-7 ტური
თარიღი: შაბათი, 26 სექტემბერი, 2015 წელი
მთავარი მსაჯი: მაიკ ჯონსი
მატჩის დასაწყისი: 18:00, (ჩვენი დროით)

"მანჩესტერ იუნაიტედი"

ტრავმირებულები: როხო, შოუ, მაკნეირი
დისკვალიფიკაცია: არავინ
კითხვისნიშნისქვეშ: არავინ
განაცხადი:De Gea, Romero, Johnstone, Valdes, Darmian, Jones, Smalling, Valencia, Varela, Blind, Carrick, Fellaini, Herrera, Lingard, Mata, Pereira, Schneiderlin, Schweinsteiger, Young, Depay, Martial, Rooney, Wilson.

ლუი ვან გაალის განცხადებით, მას პრობლემა აქვს, რადგან მარცხენა ფეხით მოთამაშე მცველი მხოლოდ ბლინდი შემორჩა, ამის მიზეზი კი შოუს და როხოს ტრავმებია. პირველი მათგანი როგორც იცით უმძიმესი ტრავმის შემდეგ დიდი ხნით ვერ დაეხმარება გუნდს, ხოლო არგენტინელმა დაზიანება "საუთჰემტონთან" მატჩში მიიღო. სამაგიეროდ გუნდს დაუბრუნდა ფილ ჯონსი, რომელმაც უკვე ითამაშა და ხელახლა იგრძნო თამაშის რიტმი.

"სანდერლენდი"

ტრავმირებულები: მეთიუსი, როდუელი.
დისკვალიფიკაცია: არავინ
კითხვისნიშნისქვეშ: არავინ
განაცხადი: Mannone, Pantilimon, Stryjek, Brown, Coates, Jones, Kaboul, O'Shea, Van Aanholt, Yedlin, Bridcutt, Buckley, Cattermole, Gomez, Johnson, Larsson, M'Vila, Rodwell, Borini, Defoe, Fletcher, Gooch, Graham, Lens, Toivonen, Watmore.

"შავ კატებს" დაცვის ერთ-ერთი ლიდერი, იოანეს ქაბული დაუბრუნდათ, რომელმაც ერთ მატჩიანი დისკვალიფიკაცია მოიხადა, "ბონმუთთან" მიღებული წითელი ბარათისთვის.

"მანჩესტერ იუნაიტედი"

მე-2 ადგილი, 13 ქულა

ბოლო ექვსი შეხვედრა: მ-მ-ფ-წ-მ-მ

"მანჩესტერ იუნაიტედი" მომავალ მეტოქესთან ბოლო 26 შეხვედრაში მხოლოდ ერთხელ დამარცხდა: 19 გამარჯვება, 6 ფრე, 1 მარცხი.

"წითელმა ეშმაკებმა" "სანდერლენდის" წინააღმდეგ გამართულ ბოლო 5 საშინაო შეხვედრაში, მხოლოდ 2 გოლი გაუშვეს.

"იუნაიტედი" მიმდინარე სეზონში საშინაო არენაზე დაუმარცხებელია, ყველა ტურნირზე ერთად მათ "ოლდ ტრაფორდზე" 5 მატჩი ჩაატარეს და მხოლოდ ერხელ ვერ შეძლეს გამარჯვება.

"სანდერლენდი"

მე-20 ადგილი, 2 ქულა

ბოლო ექვსი შეხვედრა: წ-წ-ფ-ფ-წ-წ

პრემიერ ლიგაში ჩატარებულ უკანასკნელ 13 შეხვედრაში "სანდერლენდმა" მხოლოდ ორჯერ იმარჯვა - 5 ფრე, 6 მარცხი.

დიკ ადვოკაატის გუნდი იმ სამი გუნდიდან ერთ-ერთია, რომელსაც პრემიერ ლიგაში ჯერ შეხვედრა არ მოუგია.

"შავმა კატებმა" პრემიერ ლიგის მიმდინარე ჩემპიონატში ყველაზე მეტი 13 გოლის გაშვება მოახერხეს.

"მანჩესტერ იუნაიტედი"

წამყვანი ბომბარდირები: ენტონი მარსიალი - 4 გოლი (3 ლიგაში)

თუკი ხვალ ენტონი მარსიალი მოახერხებს და გაიტანს გოლს, ის იქნება "იუნაიტედის" ისტორიაში ერთადერთი მოთამაშე, რომელმაც პრემიერ ლიგის პირველ სამ შეხვედრაში შეძლო თავის გამოჩენა.

უეინ რუნის პრემიერ ლიგაში 11 მატჩიანი მშრალი სერია აქვს, რაც ყველაზე ხანგრძლივია მის კარიერაში.

დავიდ დე ხეას, პრემიერ ლიგაში, მშრალი კარად 2015 წლის 15 მარტის შემდეგ არ შეუნახავს. ბოლო შეხვედრა როდესაც ესპანელი კიპერის კარის ბადე არ გარხეულა "ტოტენჰემთან" მატჩი იყო (3-0).

"სანდერლენდი"

წამყვანი ბომბარდირები: დეფო - 5 გოლი (2 ლიგაში).

ჟერმეინ დეფომ "იუნაიტედის" წინააღმდეგ ჩატარებულ პირველ ორ შეხვედრაში თავი გოლებით გამოიჩინა, თუმცა მომდევნო 18 მატჩში მხოლოდ ორჯერ მოახერხა "წითელი ეშმაკების" დამწუხრება.

თუ მოედანზე ჯონ ო'ში და უეს ბრაუნი გავლენ, თავიანთი ყოფილი გუნდების წინააღმდეგ ითამაშებენ.

ურთიერთშეხვედრები

გუნდები ერთმანეთს ყველა ტურნირზე 141-ჯერ შეხვდნენ. "იუნაიტედმა" გამარჯვება 63 შეხვედრაში იზეიმა, "სანდერლენდმა" 41-ში, ხოლო 37 მატჩი ფრედ დასრულდა.

"მანჩესტერ იუნაიტედმა" პრემიერ ლიგის მასშტაბით "სანდერლენდის" წინააღმდეგ ჩატარებულ ბოლო 14 მატჩში 11 მოიგო, 2 ფრედ დაასრულა და ერთი წააგო.

"სანდერლენდმა" პრემიერ ლიგაში "მანჩესტერ იუნაიტედს" ბოლო 26 მატჩში მხოლოდ ერთხელ მოუგო - 1 მარცხი, 6 ფრე, 19 წაგება, მაგრამ ის ერთადერთი გამარჯვება ორი წლის წინ "ოლდ ტრაფორდზე" მოიპოვეს. ასეთი შემთხვევა კი 1968 წლის შემდეგ პირველად დაფიქსირდა.

ურთიერთშეხვედრებში დაფიქსირებული სტატისტიკური მონაცემები

გოლების საერთო რაოდენობა

საგოლე პოზიციები

გოლის გატანის დრო

ბარათები

პენალტები

სახლში და გასვლაზე

ლიგა: "იუნაიტედი" - 57 მოგება, "სანდერლენდი" - 38 მოგება, ფრე - 29.
პრემიერ-ლიგა: "იუნაიტედი" - 19 მოგება, "სანდერლენდი" - 2 მოგება, ფრე - 6.

"იუნაიტედის" სტადიონზე

ლიგა: "იუნაიტედი" - 36 მოგება, "სანდერლენდი" - 12 მოგება, ფრე - 14.
პრემიერ-ლიგა: "იუნაიტედი" - 11 მოგება, "სანდერლენდი" - 1 მოგება, ფრე - 2.

უკანასკნელი შეხვედრა "ოლდ ტრაფორდზე"

"მანჩესტერ იუნაიტედი" 2-0 "სანდერლენდი"

შაბათი, 28 თებერვალი, 2015 წელი.
სწრებადობა: 75,344
მსაჯი: რობერტ ისტი
გოლი "მანჩესტერ იუნაიტედის" რიგებში: რუნი (66' პ. 84')

მსაჯთა ბრიგადა:

მთავარმა მსაჯმა, მაიკ ჯონსმა მიმდინარე სეზონში პრემიერ ლიგის 5 მატჩი იმსაჯა და 23 ყვითელი და 1 წითელი ბარათი აჩვენა.

გვერდითი მსაჯები: ჰარი ბესუიკი, ადამ ჰოლმსი.
სათადარიგო მსაჯი: გრეჰემ სალიბარი.

მატჩის წინ

12 კომენტარი