"მანჩესტერ იუნაიტედის" ყოფილი ჩრდილო-ირლანდიელი მცველი, ჯონი ევანსი კარიერას "ვესტ ბრომვიჩში" გააგრძელებს.

ევანსი, რომელმაც "კაჭკაჭებთან" 5 წლიანი კონტრაქტი გააფორმა ყოფილ თანაგუნდელებთან- დარენ ფლეტჩერთან და ბენ ფორსტერთან ერთად ითამაშებს.

ჯონი "მანჩესტერ იუნაიტედში" 2004 წლიდან ირიცხება. მან მანჩესტერული კლუბის მაისურით 198 მატჩი ჩაატარა და 7 გოლის გატანა მოახერხა. ასევე, "წითლებთან" ერთად 6 ტიტულის: 3 პრემიერ ლიგის, 2 ლიგის თასისა და 1 კლუბებს შორის მსოფლიო ჩემპიონატის გამარჯვებული გახდა.

"ეს ჩემთვის ახალი გამოწვევაა და მის მიღებას მოუთმენლად ველოდები. მე ახალი თანაგუნდელებიდან რამდენიმეს ვიცნობ, აქ გადმოსვლამდე მათთან ვისაუბრე, ბიჭებმა კი კლუბში დიდი რეკომენდაცია გამიწიეს." - აცხადებს ევანსი

"ჯონი კლუბისთვის შესანიშნავი შენაძენია. მას დიდი გამოცდილება აქვს და ის ჩვენთვის დიდი ფეხბურთელი იქნება. ევანსი სწორედ ის მოთამაშე გახლდათ, რომლის თამაშსაც დიდი ხნის განმავლობაში ვაკვირდებოდი. ძალიან მოხარულნი ვართ, რომ ის ჩვენს გუნდში ითამაშებს." - განაცხადა "კაჭკაჭების" მთავარმა მწვრთნელმა ტონი პულისმა.

წყარო: Manutd.com