დე ხეა და ვალდესი ამჯერადაც არ მოხვდნენ განაცხადში. ეს მას შემდეგ გახდა ცნობილი რაც, "იუნაიტედი" ლოვრის სასტუმროში დაბინავდა. ესპანელი გოლკიპერების დუეტი, რომლებმაც ხუთშაბათი საღამო ერთად გაატარეს ბარში, ამჯერადაც არ აირჩიეს გუნდის თვრამეტკაციან განაცხადში.

როგორც ცნობილია, ვან გაალთან კონფლიქტის გამო "იუნაიტედს" ვალდესის გაყიდვა სურს. რაც შეეხება დე ხეას, იგი "რეალისგან" დიდი ინტერესის გამო ყურადღების გაფანტვის საშიშროების წინაშე დგას და ამიტომ ვერ ხვდება განაცხადში.

კლუბთან ერთად ასევე არ იმყოფება ჯონი ევანსიც, რომელმაც წინასასეზონო ტურნეც გამოტოვა. აღსანიშნავია, რომ 27 წლის მცველის მიმართ ინტერესს "ევერტონი" იჩენს.