დადგა ასე ნანატრი დრო და პრემიერ ლიგის 2015/16 წლების სეზონმა გეზი აიღო. პირველივე ტური ძალიან საინტერესო, დაძაბული და სანახაობრივი გამოვიდა. ლამაზ ფეხბურთს მოწყურებულმა მაყურებელმა სტარტშივე სიამოვნების დიდი დოზა მიიღო. "მანჩესტერ იუნაიტედმაც" გულშემატკივარს გული არ დასწყვიტა და პირველი სამი ქულა ჩაიწერა აქტივში, მოკლედ რომ ვთქვათ, ლოდინი ღირდა.

პრემიერ ლიგის დაწყებასთან ერთად დაიწყო ჩვენი უაღრესად საინტერესო გათამაშებაც, რომელმაც ნამდვილი ვნებათაღელვა გამოიწვია მომხარებლებს შორის. ჩვენს ლიგაში უკვე 200-მდე მომხარებელია და მათი რიცხვი დღითიდღე იზრდება. პირველი ტურის შემდეგ, რა თქმა უნდა, გვყავს ლიდერები, თუმცა ეს მხოლოდ დასაწყისია და კიდევ 37 კვირაა წინ, რა დროშიც ძალიან ბევრი რამის შეცვლაა შესაძლებელი. შემოგთავაზებთ ათეულს, რომელიც ამ დროისთვის ლიდერობს Redarmy.ge-ს ლიგას:



ეს კი ის გუნდია, რომელმაც ლევან გრიგალაშვილს 69 ქულა მოუტანა:



ყოველი ტურის შემდეგ დაიდება ანალოგიური სტატია, სადაც საუკეთესო ათეულის და ტურის საუკეთესო გუნდის სურათი იქნება. ამასთან, მოდი ვნახოთ ის 11-ეული, რომელმაც ყველაზე მეტი ქულა მოაგროვა და "ოცნების გუნდის" სახელითაა ცნობილი:



ტურის საუკეთესო მექულე კი იაია ტურე გახდა, რომელმაც 16 ქულა მოაგროვა და "მანჩესტერ სიტის" გამარჯვებაში ლომის წვლილი შეიტანა.

აქვე მინდა გაგაფრთხილოთ და გაცნობოთ, რომ თუკი თქვენ გყავთ მოთამაშე, რომელსაც ნარინჯისფერი ან წითელი უჯრა უნთია, მოერიდეთ მის ძირითადში დაყენებას რადგან მათი თამაში საეჭვოა. ასეთები კი არიან:



მომდევნო ტური 14-15-16-17 აგვისტოს გაიმართება, ტურს კვლავ "წითელი ეშმაკები" გახსნიან, ისინი გასვლაზე ბირმიგემის "ასტონ ვილას" დაუპირისპირდებიან.

მომავალ შეხვედრამდე, გისურვებთ წარმატებებს !!!