"პსჟ"-ს ურუგვაელი ფორვარდი, ედინსონ კავანი, ლორან ბლანის გუნდში საკუთარი როლით კმაყოფილი არ არის და ამის გამო ყვითელი პრესა მისი გუნდიდან წასვლაზე აქტიურად წერდა. ურუგვაელის შეძენის მთავარი პრეტენდენტი კი "იუნაიტედი" იყო.

თუმცა ფეხბურთელის აგენტმა, ვალტერ გულიელმონმა ყველა ჭორს პასუხი გასცა და განაცხადა, რომ მისი კლიენტი "პსჟ"-ში რჩებოდა. მეტიც, ფეხბურთელმა მწვრთნელისგან საკუთარ პოზიციაზე თამაშის გარანტია მიიღო.

"ამ ზაფხულს ედის ტოპ-კლუბებისგან შემოთავაზებები ჰქონდა. ყველა დაინტერესებულ კლუბს მისი გამოყენება ცენტრალური თავდამსხმელის პოზიციაზე სურდათ. მიუხედავად ამისა, იგი ამ წინადადებებს იგნორირებას უკეთებს, რადგან მან მწვრთნელისგან საკუთარ პოზიციაზე თამაშის გარანტია მიიღო.

ჩვენ დარწმუნებულები ვართ, რომ იბრაჰიმოვიჩი ბურთის ფლობის მიზნით მეტოქის საჯარიმოში ითამაშებს. პოზიცია კი ედის რჩება, როგორც ეს იყო გასული სეზონის ბოლოს. თუ ასე გაგრძელდა, იგი "პსჟ"-ში ძალიან ბედნიერი იქნება" - განაცხადა აგენტმა Journal du Dimanche-სთან ინტერვიუში

წყარო: Fapl.ru