"მანჩესტერ იუნაიტედმა" მიუნხენის "ბაიერნთან" ბასტიან შვაინშტაიგერის ტრანსფერის პირობები შეათანხმა.

გერმანიის ნაკრების ფეხბურთელი "იუნაიტედთან" 3-წლიან კონტრაქტს გააფორმებს და მისი ტრანსფერი "წითელ ეშმაკებს" 5.75 მლნ. ფუნტი დაუჯდებათ.

30 წლის ნახევარმცველს თითქმის ერთი წლის განმავლობაში უწინასწარმეტყველებენ "ოლდ ტრაფორდზე" გადასვლას.

ლუი ვან გაალმა, რომელიც ბასტიანთან ერთად 2009 წლიდან 2011 წლამდე მუშაობდა, არ დამალა, რომ ზაფხულს ნახევარმცველის დამატებას აპირებს.

მაიკლ კერიკი ჰოლანდიელი სპეციალისტის გუნდის მთავარ ფიგურად იქცა, მაგრამ ინგლისელი ხშირად იღებს ტრავმას, რაც ვან გაალს ახალი დაცვითი ფუნქციების მქონე ნახევარმცველის დამატებისკენ უბიძგებს.

ასეთი კანდიდატი შვაინშტაიგერია, რომელსაც "ალიანს არენაზე" მხოლოდ ერთი წელი რჩება მომქედი კონტრაქტის მიხედვით და "ბაიერნში" ბედნიერი არ არის, რადგან "რეკორდმაისტერის" მთავარი მწვრთნელი, პეპ გვარდიოლა არჩევანს ტიაგო ალკანტარასა და ჩაბი ალონსოზე აჩერებს.

აქვე ისიც აღვნიშნოთ, რომ უიმბლდონის საჩოგბურთო ტურნირის მსვლელობისას შვაინშტაიგერი ჩოგბურთელ მეგობარ გოგონასთან, ანა ივანოვიჩთან ერთად ინგლისში იმყოფებოდა.

წყარო: M.E.N.