"მანჩესტერ იუნაიტედის" თავდამსხმელმა რობინ ვან პერსიმ განაცხადა, რომ მას შეუძლია დატოვოს კლუბი ამ ზაფხულს, რათა მომდევნო წელს გასამართ ევროპის ჩემპიონატზე ჰოლანდიის ნაკრებში ასპარეზობის საშუალება ქონდეს.

ჰოლანდიელმა წარუმატებელი სეზონი ჩაატარა ვან გაალის ხელმძღვანელობის ქვეშ, რადგან 27 შეხვედრაში მხოლოდ 10 ბურთის გატანა შეძლო. 31-წლის ფეხბურთელმა ღიად განაცხადა, რომ იმ შემთხვევაში თუ მას საკმარისი სათამაშო დრო არ ექნება, კლუბს დატოვებს.

გარდა ამისა, ვან პერსიმ აღნიშნა, რომ მის მომავალზე საბოლოო სიტყვას მისი ოჯახი იტყვის და ამის მიხედვით გადაწყვეტს თუ სად ითამაშებს მომდევნო სეზონში.

"მომავალ წელს ევროპის ჩემპიონატია, რომელიც დიდ როლს ითამაშებს საბოლოო გადაწყვეტილების მიღებაში. მსურს კარგ ფორმაში ვიყო, მაგრამ ყველაზე მნიშვნელოვანი ჩემი მეუღლის და ბავშვების სურვილია. რაც არ უნდა მოვიმოქმედო, ისინი ყოველთვის ყველაზე მნიშვნელოვნები არიან ჩემთვის და მინდა ბედნიერები იყვნენ."

ვან პერსის 4-წლიანი კონტრაქტი 12 თვეში ეწურება, მისით კი იტალიური და თურქული კლუბები ინტერესდებიან.

წყარო: offthepost

უნდა დატოვოს თუ არა კლუბი ჰოლანდიელმა?

კი

არა

ხმის მიცემა შედეგები