"მანჩესტერ იუნაიტედის" ნახევარმცველი, დეილი ბლინდი მიიჩნევს, რომ მომდევნო სეზონში "იუნაიტედს" კარგი შანსი ექნება პრემიერ ლიგის მოსაგებად.

ვან გაალის "იუნაიტედმა" პირველ სეზონში მე-4 პოზიცია დაიკავა და ლიდერ "ჩელსის" 17 ქულით ჩამორჩა, თუმცა ბლინდი დარწმუნებულია, რომ კრიზისი დაძლეულია და კლუბი მომდევნო სეზონში ტიტულისთვის იბრძოლებს.

"ვფიქრობ, ტიტული შორს არ არის. მიმდინარე სეზონში, ჩვენ ბევრი ქულა დავაგროვეთ, თუმცა სეზონის დასასრულს პრობლემები შეგვექმნა, მაგრამ დარწმუნებული ვარ, რომ მომდევნო სეზონში ტიტულის მოპოვების კარგი შანსი გვექნება.

ჩვენ დავაგროვეთ ბევრი ქულა ლიდერ გუნდებთან შეხვედრებში და ეს ძალიან მნიშვნელოვანია. "მანჩესტერ იუნაიტედი" ყოველთვის ისწრაფის ტიტულის მოსაპოვებლად და მომდევნო სეზონში ჩვენ შევეცდებით, რომ ეს გავაკეთოთ." - განაცხადა დეილი ბლინდმა SkySports-თან ინტერვიუში.

წყარო: fapl.ru