"იუნაიტედის" მცველმა ისაუბრა "ნიუკასლთან" მოგებული მატჩის მნიშვნელობის შესახებ.მისი აზრით, გუნდი ყოველ მატჩს უკეთესად თამაშობს და მთავარ განაცხადს აკეთებს პრემიერ ლიგის ჩემპიონობისთვის.
რიო არ არის დარწმუნებული, რომ "სიტი" მანჩესტერს ვერ დაეწევა, რადგანაც წინა წელსაც დიდი იყო უპირატესობა, მაგრამ საბოლოო ჯამში ჩემპიონის ბედი ბოლო წუთებში გადაწყდა."მე მჯერა, დღეს ყველა დარწმუნდა, რომ ფეხბურთელები ტყუილად არ იღებენ ხელფასს.ასეთი რთული გრაფიკის მიუხედავათ დღეს გულშემატკივრებმა შესანიშნავი შოუ იხილეს.ჩვენთვის მნიშვნელოვანი იყო გამარჯვების მოპოვება ყველა ვარიანტში.სერ ალექსი არასდროს არ ნებდება, ბოლომდე იბრძვის და ჩვენ ეს სული მოედანზე გამოგვაქვს.დღეს კი დარწმუნდით რომ "იუნაიტედს" ყოველთვის შეუძლია მოგება."–ციტირებს რიოს სიტყვებს manutd.com

"ჩვენთვის მნიშვნელოვანი იყო გამარჯვების მოპოვება."ნიუკასლის" მეკარემ გააკეთა რამდენიმე შესანიშნავი სეივი.იყო წლები, როდესაც ჩვენ ვლიდერობდით ცხრა,ექვსი ქულით და საბოლოოდ მოგვიგია ჩემპიონატი, მაგრამ იყო შემთხვევები, როდესაც ჩვენ ასეთივე უპირატესობა აღმოგვიფხვრია.ამ მომენტში ჩვენ კარგი შედეგი გვაქვს, მაგრამ მოდუნების საშუალებას ეს არ გვაძლევს."
რიო ასევე შეეხო მე–2 გოლის მომენტს "იუნაიტედის" კარში, როდესაც მსაჯებმა დიდი ხნის დავის შემდეგ გოლი ჩათვალეს."მე ვფიქრობ, რომ მსაჯებმა შეცდომა დაუშვეს.სისე უშლიდა ჯონის, ხელი კრა მას და ბურთიც კარში ჩაიჭრა.მსაჯმა დღეს ბევრი არასწორი გადაწყვეტილება მიიღო.ის არ ითვალისწინებდა გვერდითა ლაინსმენის შენიშვნებს.მაგრამ არაუშავს, ყველას გვაქვს ცუდი დღეები."