"ასტონ ვილას" ნახევარმცველმა, ტომ ქლევერლიმ ძალიან მნიშვნელვან პროგრეს მიაღწია ბოლოს გამართულ რამდენიმე შეხვედრაში, რითაც "ვოლფსბურგის" ყურადღებაა მიიპყრო, იუწყება "Sky Sport".

როგორც იცით, ქლევერლი "ასტონ ვილაში" იჯარის სტატუსით ასპარეზობს, ის ჯერ კიდევ "იუნაიტედის" საკუთრებაა, თუმცა სეზონის დასასრულს ინგლისელი თავისუფალი აგენტი გახდება და თავის მომავალს თავადვე გადაწყვეტს.

არ არის საიდუმლო, რომ "ასტონ ვილას" მენეჯერს, ტიმ შერვუდს ძალიან სურს 25 წლის ნახევარმცველთან ახალი კონტრაქტის გაფორმება, მაგრამ ამ დროისთვის მას ძალიან კარგი ვარიანტი გამოუჩნდა გერმანელების სახით.

წყაროების თანახმად, ჩემპიონთა ლიგის მონაწილე გუნდს სურს ქლევერლის გადაბირება. გარდა ამისა, ინგლისელი ნახევარმცველით "არსენალი" და "ევერტონიც" ინტერესდებიან.

არსებული ინფორმაციის თანახმად, ტომს სურს ინგლისის ეროვნულ ნაკრებში დაბრუნება, სადაც მას არ უასპარეზია გასული წლის გაზაფხულის შემდეგ. ტომისთვის ზუსტად ეს ფაქტორი იქნება გადამწყვეტი ახალი კლუბის შერჩევისთვის.

შეგახსენებთ, რომ მიმდინარე სეზონში, ქლევერლის ანგარიშზე სამი გატანილი გოლია, რაც მან უკანასკნელ სამ შეხვედრაში მოახერხა.

წყარო: fapl.ru