რობინ ვან პერსი უეინ რუნის პენალტის შემსრულებელთა უკანა რიგში შეუერთდა, ლუი ვან გაალს კი კიდევ ერთი მიზეზი მიეცა ზაფხულში ფორვარდის შესაძენად, რომელიც სეზონში 20 გოლს გაიტანს.

ვან პერსის მცდელობა, "ოლდ ტრაფორდის" 11-მეტრიანი ნიშნულიდან ბოაზ მაიჰილი დაემარცხებინა, წარუმატებელი გამოდგა და "იუნაიტედმა" ზედიზედ მესამე მარცხი განიცადა გოლის გატანის გარეშე, რაც 1989 წლის აპრილის შემდეგ არასდროს მომხდარა. შედეგად, ოთხეულში მოხვედრა სეზონის დასრულებამდე სამი ტურით ადრე უკვე საეჭვო ხდება.

მიუხედავად იმისა, რომ ვან პერსიმ პრემიერ ლიგაში წინა 6 პენალტიდან ყველა გაიტანა, ახლა მოუწევს გზა სხვა შემსრულებელს დაუთმოს. მაგრამ არა რუნის, რომელსაც ეს ვალდებულება "ენფილდზე" სიმონ მინოლესთვის ვერ გატანილი პენალტის შემდეგ ჩამოერთვა.

"ახლა ვან პერსი სიის ბოლოშია. უეინმაც ააცილა, ამიტომ, როცა აცილებ, კვლავ ფსკერზე ეშვები. მაკლია ფორვარდი, რომელსაც გოლი გააქვს", - განაცხადა ვან გაალმა.

წყარო: dailymail