მადრიდის "რეალი" დავიდ დე ხეას ალტერნატიულ ვარიანტზე დაფიქრდა და "ინტერის" მეკარე სამირ ჰანდანოვიჩსა და "ტოტენჰემის" კიპერ უგო ლორისს აკვირდება.

ჭორების თანახმად, "იუნაიტედი" ყველაფერს აკეთებს იმისთვის, რომ თავისი პირველი ნომერი შეინარჩუნოს, რომელსაც კონტრაქტის მიხედვით მხოლოდ ერთი წელი აკავშირებს კლუბთან. "იუნაიტედი" მზად არის მეკარეს 200 ათასი ფუნტი შესთავაზოს ხელფასის სახით, რაც მეკარისთვის სარეკორდო ანაზღაურება იქნება.

The Telegraph-ი ირწმუნება, რომ ორ მადრიდულ გრანდს, "რეალსა" და "ატლეტიკოს" 18-წლამდე ფეხბურთელებისთვის კონტრაქტის გაფორმების წესის დარღვევის გამო ტრანსფერების განხორციელება 12-თვით აეკრძალება.

რამდენადაც FIFA ჯერ ისევ განიხილავს მოცემულ საკითხს და "რეალს" ნებისმიერ შემთხვევაში აქვს აპელაციის უფლება, აკრძალვა შესაძლოა მხოლოდ 2016-წლის სატრანსფერო ფანჯარას შეეხოს. ეს კი ნიშნავს, რომ სამეფო კლუბმა ახალი მეკარე მიმდინარე წლის ზაფხულში უნდა დაიმატოს.

ამიტომ თუ "იუნაიტედი" მოახერხებს დე ხეასთვის ახალი კონტრაქტის გაფორმებას ან უბრალოდ უარს იტყვის მის გაყიდვაზე, "რეალს" დე ხეას ალტერნატივის მოძებნა მოუწევს, რის ვარიანტადაც სწორედ ჰანდანოვიჩსა და ლორისს განიხილავს. სავარაუდო კანდიდატებს შორისაა პეტერ ჩეხიც, თუმცა ჯერ-ჯერობით მისი ტრანსფერი არ განიხილება.

გამოცემა ამტკიცებს, რომ კარლო ანჩელოტის ასისტენტმა ზინედინ ზიდანმა თანამემამულე ლორისის შეძენის საკითხი დასვა. თუმცა იმ შემთხვევაში, თუ დე ხეა მაინც დატოვებს "იუნაიტედს", უგო "წითელი ეშმაკების" სატრანსფერო სამიზნე გახდება.

წყარო: fapl.ru