17-04-2015, 11:32

ავტორი: RojoDiablo,

ნანახია: 2493,

კომენტარები: 13

ვან გაალი ვარჯიშებს საღამოსაც გამართავს

"კარინგტონზე" პროჟექტორები დაყენდება.

ტრაფორდის საქალაქო საბჭომ "იუნაიტედის" სავარჯიშო ბაზაზე პროჟექტორული განათების დაყენება შეათანხმა.

ლუი ვან გაალი აპირებს საღამოს ვარჯიშებიც გამართოს, რის გამოც კლუბის ხელმძღვანელობას ღამის განათების დაყენება სთხოვა Aon-ის სავარჯიშო კომპლექსზე, ხელმძღვანელობამ კი განცხადება ქალაქის მუნიციპალიტეტში შეიტანა.

პროჟექტორები 16-მეტრიან ბოძებზე დაყენდება და რვა სავარჯიშო მოედანს გაანათებს, სამუშაოები კი უახლოეს პერიოდში დაიწყება.

ნებართვის გაცემისას საქალაქო სამმართველოს სურდა დარწმუნებულიყო, რომ განათება ბაზასთან ახლოს მდებარე სახლებსა და ოფისებს ხელს არ შეუშლიდა. ასევე სურდათ დარწმუნებულიყვნენ, რომ დამატებითი განათება არც ღამურების მომრავლებას შეუწყობდა ხელს.

ეს არ არის ერთადერთი ცვლილება, რაც ვან გაალმა სავარჯიშო ბაზაზე განახორციელა. ლუის სურდა HD-კამერები დაეყენებინათ, რათა მოთამაშეების მოქმედებების შესახებ დამატებითი ანალიზის გაკეთების საშუალება ჰქონოდა. ჰოლანდიელმა ასევე ხეების რაოდენობა გაზარდა, რათა ქარის სიძლიერე შეემსუბუქებინა, რაც ვარჯიშის დროს გუნდს ხელს უშლიდა.

წყარო: dailymail

ახალი ამბები

13 კომენტარი

№11

ავტორი: Esi

17 აპრილი 2015 16:15

სიახლეები: 265
კომენტარები: 1115

ეს მოკლავს ფეხბურთელებს lol

№12

ავტორი: VaRdo

17 აპრილი 2015 16:26

სიახლეები: 78
კომენტარები: 5516

ეხლა ხო ლიგაზე გავდივართ და ღამე თამაშებსაც უდნა შეაჩვიოს wink

_ _ _ _ _ _ _ _ _ _ _ _ _ _ _ _ _ _ _ _ “რომ არა კონტროლი, გასახდელში მყოფი 11 მილიონერი აუცილებლად შეეცდებოდა იმქვეყნად გავესტუმრებინე, მაგრამ ახლა ყველამ იცის, რომ თუ ჩემი კონტროლის ფარგლებს მიღმა გავა, იმქვეყნად თავად
გაემგზავრება…” SAF

№13

ავტორი: GeorgeBest

17 აპრილი 2015 20:21