"ასტონ ვილას" მთავარი მწვრთნელი ტიმ შერვუდი მზადაა, ტომ ქლევერლის მუდმივი კონტრაქტი შესთავაზოს.

მიმდინარე სეზონს ქლევერლი იჯარის წესით ბირმინგემულ კლუბში ატარებს. ზაფხულში კი თავისუფალი აგენტი ხდება, რაც პრემიერ ლიგის კლუბების მხრიდან მისდამი ინტერესს ზრდის.

ერთ-ერთი პრენტენდენტი "ევერტონია", რომლის მწვრთნელი რობერტო მარტინესი ფეხბურთელთან ერთად ჯერ კიდევ "უიგანში" მუშაობდა. თუმცა შერვუდი აპირებს ტომის დასატოვებლად ყველა ღონე იხმაროს.

The Guardian-ი იუწყება, რომ "ვილა პარკზე" თამაში ქლევერლისაც მოსწონს და როგორც მინიმუმ, კონტრაქტის თაობაზე მოლაპარაკებების წარმოებას აპირებს.

ამჟამად ინგლისელი გუნდის ერთ-ერთ ძირითად ფეხბურთელად ითვლება და კლუბს სარგებელს აძლევს.

თუმცა მნიშვნელოვან როლს ითამაშებს პრემიერ ლიგაში "ვილას" დარჩენაც. "ტოტენჰემის" დამარცხების შემდეგ "ასტონ ვილა" 15-ე პოზიციაზე იმყოფება და გასავარდნ ზონასთან 6 ქულა აშორებს.

წყარო: fapl.ru