ლუის ვან გაალმა გადაწყვიტა არ შეეცვალა შემადგენლობა და "ლივერპულთანაც" სწორედ ის 11-ეული გაამწესა, რაც "ტოტენჰემთან", ამიტომ განლაგებაზე და ტაქტიკაზე საუბარი აღარ მოგვიწევს - ეს გასულ კვირაში უკვე გავაკეთეთ. შეთანხმებული მოქმედება, ბოლომდე ბრძოლა, კარგი რეზულტატი - ეს ყველაფერი კიდევ ერთხელ ვნახეთ, თუმცა ამჯერად გაცილებით მძიმე შეხვედრაში.

შეცდომები

მიუხედავად იმისა, რომ მთელი მატჩის განმავლობაში "ლივერპულის" ფეხბურთელებმა მხოლოდ ერთხელ მოახერხეს კარში დარტყმა, ვერ ვიტყვით იმას, რომ მასპინძლებს მომენტები არ ჰქონიათ.



"ტოტენჰემთან" მატჩი არ განმეორდა: მასპინძლები გაშვებულმა გოლმა არ გატეხა და დე ხეას კარის სიახლოვეს არაერთი სახიფათო მომენტი შეიქმნა. "არსენალთან" მატჩისგან განსხვავებით კი, შეგვიძლია ვთქვათ, რომ მეტოქემ რიგ ეპიზოდებში თავად დაჯაბნა დაცვა.

მე-4 წუთი

მატჩის სტარტშივე, ლალანასა და სტერლინგის დუეტმა შეძლო სახიფათო მომენტის შექმნა დეილი ბლინდის ფლანგიდან. მეტოქემ ბლინდის ზურგს უკან ჩაირბინა, ჰოლანდიელმა მისი დაწევა ვერ მოახერხა, ხოლო ჯონსი კი არასწორად გადაადგილდა დაზღვევისას, რამაც საბოლოოდ დიდი თავისუფალი ზონა შექმნა პასისთვის.



ჯონსმა ბურთთან მეტოქეს ვერ მიასწრო: სტერლინგი მას ადვილად გაცდა, ფილს ბურთი ფეხებსშუა გაუტარა. გაგვიმართლა, რომ რაჰიმმა ეს ოდნავ ძლიერად გააკეთა და დე ხეასაც ბურთის აღება არ გაუჭირდა.



26-ე წუთი

მაშინ, როცა ანგარიში უკვე 1-0 იყო, მაიკლ კერიკმა გადაწყვიტა, რომ თამაში ძალიან მოსაწყენი იყო და საკმაოდ უწყინარ სიტუაციაში საკუთარი კარისკენ შეტევა "განავითარა".



გაამახვილეთ ყურადღება იმაზე, რომ დე ხეამ ბურთი გამიზნული მიმართულებით მოიგერია, რასაც "იუნაიტედის" სახიფათო კონტრ-შეტევა მოჰყვა. ტორტის თავზე ალუბლად იქცა ბლინდის მიერ ჯანის მოტყუება. ამ ეპოზიდის ყურება არასდროს მოგბეზრდებათ.

31-ე წუთი

"ლივერპულის" კიდევ ერთი მეტ-ნაკლებად სახიფათო მომენტი, მარცხენა ფლანგისგან ჩაწოდებას მოჰყვა. ცენტრალურმა მცველებმა არასწორად შეარჩიეს პოზიცია, რამაც დიდი სივრცე გამოანთავისუფლა კარის სიახლოვეს, ასევე ისინი არ აკონტროლებენ შემტევების გადაადგილებას. სწორედ ასეთ მომენტში გაუშვა გოლი "იუნაიტედმა" "სუონსისგან".



საბედნიეროდ, ჩაწოდება არაზუსტი გამოდგა.



35-ე წუთი

რამდენიმე წუთის შემდეგ, "ლივერპულმა" შეძლო ყველაზე სახიფათო და ლამაზი შეტევის შექმნა.

ბლინდმა, მისთვის დამახასიათებელი მოძრაობით თითქმის შეძლო და აართვა ბურთი მეტოქეს, თუმცა მას რუნიმ შეუშალა ხელი, ეპიზოდში კარგად გაერკვა ჰენდერსონი, რომელმაც ფლანგზე გადაცემით მწვავე კონტრ-შეტევა წამოიწყო.

ფონსი სტერლინგზე გადადის, ხოლო კერიკი ფილის ადგილის შესავსებად გარბის - აქ ყველაფერი რიგზეა, მოდით ახლა ცენტრალურ ზონაზე გადავიდეთ, სადაც სმოლინგი-ვალენსიას დუეტმა იდეალურად ნამდვილად ვერ იმოქმედა. კრისი სწრაფად გარბის უკან და ყურადღებასაც კი არ აქცებს ლალანას, რომელიც მის ზურგს უკანაა. ეკვადორელს კი შეეძლო შემტევთან მანძილის შემცირება, რითიც მას შეუზღუდავდა მოძრაობას.

სტერლინგი, სტარიჯს იდეალურ პასს უკეთებს.



მაშინ, როცა სტარიჯს ბურთი მისდის ვალენსია უკვე თავის პოზიციაზეა, მას სმოლინგი აზღვევს, ლალანა კი ისევ მარტოა. კერიკს სისწრაფერ არ ეყო, რათა პასი ჩაეჭრა და ეპიზოდი გაენეიტრალებინა.



"ლივერპულის" ელვისებურმა კონტრ-შეტევები "ეშმაკების" მცველებს მხოლოდ ორ არჩევანს უტოვებდა: დაეზღვიათ პარტნიორი ან აეყვანათ უბურთო შემტევი. სწრაფი პასების და დიდი სისწრაფეების წყალობით, "მერსესაიდელებმა", მოახერხეს მეტოქის დაცვის დაჩაგვრა, თუმცა მადლობა ლალანას, რომელმაც ეს დიდებული შანსი ვერ გამოიყენა.

38-ე წუთი

შემდეგი ეპიზოდი, ზუსტად ასახავს იმას, თუ რატომ გამოიყურებოდა "იუნაიტედი" შეტევაში ასე კარგად, ბოლო ორ შეხვედრაში.

მიაქციეთ ყურადღება ოთხეულს: იანგი-ფელაინი-ერერა-მატა. როგორი ძლიერი მოთამაშეებითაა დაკომპლექტებული შეტევის ხაზი. სურათზე ნაჩვენებია ის, თუ რა მოხდება მაშინ, როცა მეტოქე ამ ოთხეულისგან თავს დააღწევს. მცველების წინ მხოლოდ მაიკლ კერიკია დარჩენილი, ხოლო შემტევ მოთამაშეებს შორის ძალიან დიდი სივრცეა. საბედნიეროდ ჰენდერსონის პასი არ გამოდგა ზუსტი და ეს შეტევაც ურეზულტატოდ დასრულდა.



4-1-4-1 სქემის უპირატესობა არის ის, რომ შენ შეგიძლია ბურთის ადვილად დაბრუნება აქტიური და აგრესული პრესინგით, რაც შემტევ მცველებს აძლევს საშუალებას დროულად დაბრუნდნენ პოზიციებზე. თუმცა არსებობს მინუსებიც, რომელიც სურათზეც კარგად ჩანს. ამასთან "ლივერპული" ასეთ სიტუაციაში ძალიან რისკავს, რადგან ბურთის დაკარგვა და "იუნაიტედს" სწრაფი კონტრ-შეტევისთვის ყველა წინაპირობა აქვს.

69-ე წუთი

კერიკის კიდევ ერთი შეცდომა, რომელსაც ამჯერად გოლი მოჰყვა.

აღსანიშნავია ასევე ბლინდის სუსტი თამაში, რომელსაც სტარიჯი გაექცა და ასევე დე ხეას შეცდომა, რომელმაც ახლო კუთხეში დარტყმული გაუშვა.



ფილ ჯონსმა მოასწრო და მეტოქეს შეუზღუდა დარტყმის კუთხე, სტარიჯს მხოლოდ ერთი შანსი დარჩა - ახლო კუთხეში დარტყმა (წითელი ზონა), სადაც დევიდი იდგა. "იუნაიტედის" მეკარემ ამჯერად სუსტად იმოქმედა.



მიუხედავად იმისა, რომ "ლივერპულმა" მხოლოდ ერთხელ დაარტყა კარში, "იუნაიტედის" დაცვაზე კარგს ნამდვილად ვერ ვიტყვით. ფილ ჯონსი და კრის სმოლინგი ხშირად ცდებოდნენ, მათ არც დეილი ბლინდი ჩამორჩა.

ბლინდი ძალიან კარგად ერთვებოდა შეტევაში, პრესინგის დროსაც შესანისნავი იყო, ასევე კომბინაციური თამაშისას, თუმცა რაც შეეხება დაცვითი ფუნქციების შესრულებას აქ ჰოლანდიელი მოიკოჭლებდა. ის ხშირად ცდებოდა და ზოგჯერ უხეშადაც.

აი მომენტი, სადაც ჰოლანდიელის არაზუსტმა პასმა სათავე დაუდო მეტოქის შეტევას. ჯონსმა საჭირო სისწრაფე ვერ აკრიფა და მეტოქე ჯარიმის ხარჯზე გააჩერა, ამას შესაძლოა გაძევება მოჰყოლოდა.



თუმცა ამ ეპიზოდშიც შეიძლება პოზიტივის დანახვა, "იუნაიტედის" არცერთი მცველი არ არის დამზღვევის გარეშე. მათ შორის მატა, იანგი, ფელაინი და შემტევი ფეხბურთელებიც კი ბრუნდებოდნენ უკან მეტოქის შესაჩერებლად.

შეტევა

პირველი გოლი ძალიან ჰგავდა ფელაინის მიერ "ტოტენჰემის" კარის აღებას.

ბურთის ართმევაზე ფიქრით გართობილი მეტოქე თავისუფალ ზონებს ტოვებს, რასაც ძალიან კარგად იყენებენ "იუნაიტედის" ფეხბურთელები. ამჯერად მარტო დარჩა ერერა.



"ეშმაკებმა" შესანიშნავად გამოიყენეს "ლივერპულის" სუსტი წერტილი - მარცხენა ფლანგი მორენოს მეთაურობით.



ბურთის დაკარგვის შემდეგ "სკაუზერები" 4 მცველზე გადადიოდნენ, მარცხენა ფლანგზე კი სწორედ მორენო იყო გამწესებული.



"ლივერპულის" მცველი უმეტეს შემთხვევებში უკან დაბრუნებას ვერ/არ ასწრებდა, რაც ხუანს თავისუფლებას აძლევდა.

სურათზე ნაჩვენებია მომენტი, როცა ბურთით "მანჩესტერ იუნაიტედია", შეტევა კი მარცხენა ფლანგიდან ვითარდება, თუმცა ამ შემთხვევაშიც კი მორენოს მიერ პოზიცია არასწორადაა შერჩეული.



საერთო ჯამში ხუანმა დაამარცხა დუელში თანამემამულე. მატა ხშირად შედიოდა ცენტრისკენ და მორენო მას ფეხდაფეხ მიჰყვებოდა, რითიც ვალენსია და ერერა ხეირობდნენ და მარჯვენა ფლანგიდან შეტევას ამწვავებდნენ.

მეორე გოლის მომენტშიც ერთ-ერთი დამნაშავე ახალგაზრდა მცველია, თუმცა ხუანის მაღალი კლასის არ აღნიშვნა დიდი დანაშაულია.



დაზღვევა

ამ კომპონენტზე უკვე ბევრი ვისაუბრეთ, თუმცა მაინც მინდა გავამახვილო ყურადღება მაიკლ კერიკის როლზე.

"იუნაიტედის" ერთ-ერთი პლიუსი ისაა, რომ ცენტრალურ მცველებს ყველასთვის მოულოდნელად შეუძლიათ ბურთის წაღება და შეტევაში სწრაფად გადასვლა. ამ კოზირს უმეტესად კრის სმოლინგი იყენებს. კრისი "დეზებთან" მატჩში რამდენჯერმე გამოირჩა ასეთი რეიდით და არც "ლივერპულთან" მატჩი გამოდგა გამონაკლისი.



დასკვნები

"იუნაიტედმა" "ლივერპული" და "ტოტენჰემი" ერთი და იმავე იარაღით დაამარცხა, განსხვავება მხოლოდ ის იყო, რომ ამჯერად შეხვადრა იყო გასვლითი და ბევრად უფრო მნიშვნელოვანი ისტორიის გათვალისწინებით.

მოთამაშეთა საშუალო პოზიციის რუკაც კი ძალიან ჰგავდა წინა მატჩისას. მოწინააღმდეგე კვლავ ცენტრზე აკეთებს აქცენტს, ხოლო "იუნაიტედი" მთელი მოედანს იყენებს.



ბონუსი

მინდა შემოგთავაზოთ, ლეგენდარული სტივენ ჯერარდის სრული პერფორმანსი გუშინდელ შეხვედრაში:



იმედია არავის გაუჩნდება ზედმეტი კითხვა მისი გაგდების თაობაზე.