მოგეხსენებათ გუშინ გაიმართა მატჩი ინგლისსა და სან მარინოს შორის. მასპინძლების კაპიტანი უეინ რუნი გახლდათ, რომელმაც კაპიტნობა 2 გოლით აღნიშნა. გუშინდელ მატჩამდე "მანჩესტერ იუნაიტედის" ფორვარდს 29 გოლი ჰქონდა, მაგრამ გუშინ იგი 31-მდე გაზარდა. რითიც მან გადაუსწრო ინგლისის 3 ბომბარდირს გოლებში, ესენი არიან: ტომ ფაინის, ნატ ლოფთჰაუსს და ალან შირერს. იგი ახლა მეხუთე ადგილს იკავებს საუკეთესო ბომბარდირებში. ახლა მას უსწრებენ მაიკლ ოუენი (40); ჯიმი გრეივსი (44); გარი ლაინეკერი (48) და "იუნაიტედის" ლეგენდა ბობი ჩარლტონი (49).

"ცხადია ხუთეულში შესვლა ჩემთვის დიდი პატივია. იყო ინგლისის საუკეთესო ბომბარდირებს შორის საამაყოა. იმედი მაქვს კიდევ ბევრ მატჩს ჩავატარებ. მე მხოლოდ 26 წლის ვარ და შემიძლია უფრო მეტი გოლი გავიტანო". - განაცხადა უეინ რუნიმ.

ინგლისიდან ასევე თავი გამოიჩინა დენი უელბეკმა, მან დუბლი გაიფორმა. ბოლი გოლი კი "არსენალის" ნიჭიერმა ახალგაზრდამ, ჩემბერლანმა გაიტანა.

"ჩვენ უფრო მეტი გოლის გატანა შეგვეძლო. ჩვენ რამოდენიმე კარგი მომენტი შევქმენით, მაგრამ მათი მეკარე მოწოდების სიმაღლეზე იყო. ძნელია იმ გუნდთან თამაში რომელიც 10 და 11 კაცით იცავს თავს. მაგრამ ბურთს სწრაფად ვამოძრავებდით და ვქმნიდით მომენტებს. საბოლოოდ 5 გოლი გავიტანეთ, რაც ცუდი შედეგი ნამდვილად არ არის". - განაცხადა უეინმა.