Sky Sports-ის ექსპერტი, ჯეიმი რედნაპი გააკვირვა ვან გაალის საქციელმა, რომელმაც "არსენალთან" მატჩში მოედანზე რადამელ ფალკაო არ შეიყვანა.

ინგლისის თასის მეოთხედფინალურ ეტაპზე "წითელი ეშმაკები" "მეთოფეებს" ხვდებოდნენ. შეხვედრის პირველი ტაიმის შემდეგ ლუი ვან გაალმა მოედანზე ანდერ ერერასა და ლუკ შოუს ნაცვლად მაიკლ კერიკი და ფილ ჯონსი შეუშვა.

დარჩენილი ერთი ცვლილება კი ვან გაალმა შეტევის გაძლიერებას მოახმარა, თუმცა არა ფორვარდის, არამედ ბელგიელი ვინგერის, ადნან იანუზაის საშუალებით.

შედეგად, "იუნაიტედი" მეტოქესთან დამარცხდა, ჯეიმი რედნაპი კი ვან გაალის ცვლილებებს არასწორად მიიჩნევს.

"ვერაფრით გამიგია, "არსენალთან" მატჩში რატომ არ გამოჩნდა მოედანზე რადამელ ფალკაო.

საბრალო, ალბათ იჯდა და ფიქრობდა: "ნეტავ რას ვაკეთებ აქ?" როგორ სურს "იუნაიტედს" მისგან საუკეთესოს მიღება, თუ კი მოედანზეც არ უშვებს?.

ვან გაალი ტაქტიკის შეცვლას ეცადა და ბლინდთან ერთად კერიკი გაამწესა. მაგრამ თუ გოლის გატანა გინდა, იქნებ ფალკაო უნდა გამოიყვანო? საბოლოოდ, "იუნაიტედი" თითქმის არც კი დამუქრებია მეტოქის კარს." - განაცხადა ექსპერტმა.

წყარო: redevils.ru