შაბათს "იუნაიტედი" საკუთარ "ოლდ ტრაფორდზე" "სანდერლენდს" უმასპინძლებს და ეცდება, წინა ტურში განცდილი მარცხის გამო შური იძიოს. ამ ტურში "ეშმაკების" უშუალო კონკურენტები რთულ შეხვედრებს ატარებენ, რითაც "წითლებმა" უნდა ისარგებლონ და წინსვლა განაგრძონ.

როგორც პრეს-კონფერენციიდან გავიგეთ, "იუნაიტედის" ლაზარეთში მხოლოდ რობინ ვან პერსია, ამის გათვალისწინებით, ლუის კვლავ დიდი არჩევანი აქვს. ვან გაალის მსგავსად, ჩვენც ვგრძნობთ არჩევანში თავისუფლებას და გთავაზობთ სავარაუდო თერთმეტეულს.




ბოლო თამაშებია თითქმის ბოლომდე გამოიკვეთა ის ოთხეული, რომელიც ვან გაალისთვის დღესდღეობით საუკეთესოდ ითვლება. რადგან არცერთი მათგანი ტრავმას არ უჩივის, დიდი ალბათობით ოთხივე კვლავ ძირითად შემადგენლობაში იქნება. მართალია, რაფაელი სრულ მზადყოფნაშია და ყველას მიაჩნია, რომ სწორედ ბრაზილიელია მარჯვენა მცველის პოზიციაზე იდეალური ვარიანტი, თუმცა მას ვან გაალი ნამდვილად არ წყალობს და მხოლოდ რეზერვებში თამაშის საშუალება თუ ეძლევა.




გუნდს დაუბრუნდა მაიკლ კერიკი, თუმცა არ მგონია, ინგლისელი ოპტიმალურ შემადგენლობაში იყოს და პირველივე წუთებიდან თამაში შეძლოს, ამიტომ ცენტრალური ზონის გამაგრების იდეალური ვარიანტი ბლინდი-ერერას დუეტია. ჰოლანდიელი - დინჯი, მშვიდი და სტაბილურია, ხოლო ანდერმა ყველას, მათ შორის, ვან გაალსაც დაანახა, რომ ნამდვილად არის ძირითადი შემადგენლობის ღირსი. ამ წყვილის წინ 3 - მოძრავი, კრეატიული, სწრაფი და მაღალი დონის მოთამაშე, რომლებიც, რა თქმა უნდა, მუდამ გაცვლიან ადგილებს და მეტოქის მცველებს ყველანაირად თავგზას აიბნევენ.




რობინის ტრავმა კოლუმბიელ ფორვარდს კიდევ ერთ შანსს აძლევს და ამაზე ყურადღება ლუიმაც გაამახვილა მატჩის წინა პრეს-კონფერენციაზე. რადამელს დასამტკიცებელი აქვს, რომ ის ნამდვილად არის სრულფასოვანი კონტრაქტის ღირსი, ამისთვის კი მას იდეალური შანსი აქვს. ნაკლებად სავარაუდოა ახალგაზრდა უილსონის ხილვა, რადგან ჯეიმსმა სარეზერვო გუნდში თამაშისას მცირე დაზიანება მიიღო.

სრული შემადგენლობა: დე ხეა, ვალენსია, ჯონსი, როხო, შოუ, ბლინდი, ერერა, მატა, რუნი, დი მარია, ფალკაო.

ეთანხმებით თუ არა ავტორს?

კი

არა

ნაწილობრივ

ხმის მიცემა შედეგები