"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ ფალკაოს სეზონს ის გოლების სიმრავლით არ განსჯის.

"მონაკოდან" იჯარის წესით "იუნაიტედში" გადასვლის შემდეგ რადამელმა 4 გოლის გატანა მოახერხა და ამასთან ერთად საკმაოდ ცუდ თამაშს აჩვენებს.

აქტუალური ხდება "იუნაიტედის" მიერ კოლუმბიელის არ გამოსყიდვის საკითხი, რომელიც უმრავლესობის აზრით, ფალკაოს წასვლას გამოიწვევს.

პრემიერ ლიგის უკანასკნელ ტურში ფალკაომ საგოლე გადაცემის გაკეთება მოახერხა, რომელიც კრის სმოლინგის გოლით დასრულდა.

თუმცა ვან გაალი არ აპირებს თავდასხმელები გოლების გატანით განსაჯოს და აცხადებს, რომ მათი შეფასებისთვის სხვადასხვა კრიტერიუმებს გამოიყენებს.

"მხოლოდ გოლებით არ განვსჯი, აქ უფრო ფართო ხედვაა, ვიდრე ეს. თავდამსხმელისთვის უამრავი ასპექტი არსებობს. საგოლე გადაცემის გაკეთებაც ასპექტია, ისევე როგორც, მოედანზე შენი პარტნიორისთვის ხელმისაწვდომობა.

"ბარნლისთან" მატჩში თქვენ ნახავდით, რომ კრის სმოლინგს პირველი გოლი ფალკაომ გაატანინა." - განაცხადა ვან გაალმა.

წყარო: dailymail