Mirror-ის მიმომხილველი რობი სევეჯი მიიჩნევს, რომ ვან გაალის ქმედება მას სარგებელს არ მოუტანს.

"რა ჯანდაბის მიღწევას ცდილობდა ლუი, როცა ის პრესკონფერენციაზე საკუთარი სტატისტიკის დამცავი ფურცლებით გამოჩნდა? ის მსოფლიოში ერთ-ერთი საუკეთესო კლუბის მწვრთნელია და არ არის პატარა ბიჭი, რომელიც გვერდებზე რეკლამებს ავრცელებს. თქვენ წარმოიდგინეთ, სერ ალექსს ჟურნალისტებისათვის არასდროს უჩვენებია გუნდის ტაქტიკური მონახაზები, თუმცა მან ჩინებული კლუბი ჩამოაყალიბა."

"მას ტაქტიკების გამოქვეყნება არაფერს მისცემს. გუნდი ძალიან ცუდად თამაშობს. მათ "ვესტ ჰემის" წინააღმდეგ მატჩის ბოლო წუთებზე ძალიან გაუმართლათ, ხოლო "ბარნლისთან" თამაშში კი ძალიან დამაჯერებელნი იყვნენ. ამ სეზონში ჩემპიონობაზე ფიქრი ზედმეტია. რაც შეეხება, ლიგის ზონაში მოხვედრას, "იუნაიტედს" ამის ძალა ნამდვილად შესწევს. თუ ლუი გუნდს გამოაცოცხლებს და სეზონს ოთხეულში დაასრულებს, მაშინაც კი შეიძლება ზაფხულის ტრანსფერები უშედეგოდ ჩაითვალოს."

"მისი რეპუტაციის მქონე ადამიანი, ელერდაისის განცხადებას არ უნდა შეეხოს. მან განაცხადა, რომ "იუნაიტედმა" პრიმიტიული თამაში აჩვენა. დიახ, ალბათ მისი არჩევანია ბოლო 20 წუთში თამაშის დახატვა. თუმცა ეს ცოტა მოძველებული ხერხია. ასე რომ, ვან გაალის თამაშს არ შეიძლება გამართლებული ვუწოდოთ. მან უნდა განმარტოს საკუთარი გადაწყვეტილება, რუნის პოზიციასთან დაკავშირებით. მე არ მესმის, რატომ არ იყენებს ჰოლანდიელი უეინს ფორვარდის პოზიციაზე. ვფიქრობ, ფალკაოსთან, რომელიც ახლა გუნდში საკუთარი ძალის უიმედოდ დამტკიცებას ცდილობს, შესანიშნავი წყვილი იქნებოდა."

"სერიოზულმა ტრავმამ, რადამელს თავდაჯერებულობა წაართვა. ამ სეზონში მისი საუკეთესო თამაში არ მინახავს. ვფიქრობ მისი ბედი დამოკიდებულია იმაზე, დაასრულებს თუ არა "იუნაიტედი" სეზონს ზედა ოთხეულში. დიდი იმედი მაქვს, რომ ლუი ვან გაალი ასეთ რამეს არ გაიმეორებს, რადგან ასეთი ქმედებები მისდამი ნდობას საჯაროდ უთხრის მიწას."-განაცხადა სევეჯმა

წყარო: Redevils.ru