მას შემდეგ რაც სერ ალექს ფერგიუსონმა თავისი უკანასკნელი ტრანსფერი განახორციელა, უილფრიდ ზაჰა სამჯერ იქნა განათხოვრებული ინგლისში. თავდაპირველად იგი იანვარში მშობლიურ "კრისტალ პალასში" არენდის სახით დატოვეს, დევიდ მოიესის მართველობის დროს კი უილფრიდი "კარდიფში" აღმოჩნდა. ვან გაალის დანიშვნის შემდეგ კი, ჰოლანდიელმა სპეციალისტმა ზაჰა ისევ "კრისტალ პალასში" გაანათხოვრა.

მოგეხსენებათ "არწივებს" ახალი მწვრთნელი, ალან პარდიუ ჰყავს, რომელმაც უილფრიდს ნდობა გამოუცხადა და მეტ სათამაშო დროსაც ჰპირდება. დღეს გავრცელდა ინფორმაცია, რომ ზაჰამ სამუდამოდ დატოვა ოლდ ტრაფორდი. სატრანსფერო ღირებულება არ სახელდება, მაგრამ გავრცელებული ინფრომაციის თანახმად, ტრანსფერის ღირებულება 3 მილიონ ფუნტს შეადგენს.

22 წლის ვინგერმა "კრისტალ პალასის" ოფიციალურ საიტთან ინტერვიუში განაცხადა: "მე საკმარის დროს ვერ ვიღებდი მანჩესტერში, ასე რომ შანსი გამოვიყენე და არენდის სახით შინ დავბრუნდი. ახლა კი შანსი მაქვს ეს დაბრუნება სამუდამო გავხადო, რაც მე ძალიან აღმაფრთოვანებს."

"იმისათვის რომ უკეთესი გავხდე, უფრო მეტი სათამაშო დრო მჭირდება. ახალ მწვრთვნელს სჯერა ჩემი და მეხმარება თვითრმწმენის მოპოვებაში. მე ამ გუნდში რვა წლის ასაკიდან ვირიცხები და ჩემი ოჯახიც აქ ცხოვრობს. პრემიერ ლიგაში ამ გუნდის შემადგლობაში ასპარეზი ჩემი ახდენილი ოცნებაა." - დაასრულა ზაჰამ.

წყარო: SkySPORTS