სავარჯიშო პროცესში ყველაზე მეტად რა მოგწონს?

მომწონს ექვსი ორზე თამაში. თამაში, რომელიც ბურთის ფლობაზეა დამოკიდებული - ცენტრში მყოფმა ორმა ფეხბურთელმა მოწინააღმდეგეს ბურთი უნდა წაართვას.

ვინ არის ყველაზე რთული მეტოქე ვარჯიშებზე?

რთული კითხვაა, რადგან ყველას გვინდა თამაში და სასტარტო შემადგენლობაში მოხვედრა.

ვარჯიშებს რამდენად სერიოზულად ეკიდები?

ძალიან სერიოზულად - წაგება არ მიყვარს, ყოველთვის ბოლომდე კონცენტრირებული ვარ.

შენ ან სხვის მიერ ვარჯიშებზე გატანილ რომელ გოლს მიიჩნევ საუკეთესოდ?

ჩემ მიერ გატანილ გოლს მას შემდეგ, რაც ბურთი საჯარიმოს გარეთ აღმოჩნდა. ბურთი ჩემთან მოვიდა და შანსი არ გავუშვი, მაშინვე დავარტყი. ეს გოლი მომეწონა!

დე ხეასა და ვიქტორ ვალდესისთვის გოლის გატანა რთულია?

ძალიან რთულია, ისინი ყოველთვის კონცენტრირებულნი არიან, მუდამ ფხიზლად თამაშობენ. იღბალი და დარტყმის სიზუსტე გჭირდება, რათა ამ ორ მეკარეს გაუტანო, ძალიან კარგები არიან.

შენი ყოფილი გუნდების სავარჯიშო კომპლექსთან შედარებით AON-ს როგორ შეაფასებდი?

ეს იგივეა, სპორტული ავტომობილი ჩვეულებრივს რომ შეადარო. "უიგანსა" და "ვილიარეალს" კარგი სავარჯიშო კომპლექსები აქვთ, მაგრამ "იუნაიტედი" ბაზის ინფრასტრუქტურას მუდამ სრულყოფს. კლუბს შესანიშნავი მუშაობა უნდა მივულოცოთ.

სავარჯიშო მოედანზე უცნობი გმირი ვინ არის - ვინმე პერსონალიდან, ვინც გეხმარებათ და ყოველდღე ღიმილს გგვრით?

ენდი მენდი (მასაჟისტი ენდი კავენი) უბრალოდ დაუჯერებელია: ყოველ დილით იღიმის და ყველა მოთამაშეს ყურადღებას აქცევს. ძალიან მეგობრულია - ასეთი ადამიანების ყოფნა ყოველთვის სასიამოვნოა.

მოთამაშეებისთვის რა მნიშვნელობას ატარებს სავარჯიშო დარბაზში მუშაობა?

ძალიან მნიშვნელოვანია, რადგან შესანიშნავად ვიცით - პრემიერ ლიგა მოწინააღმდეგესთან მუდმივ კონტაქტს შეიცავს, რისთვისაც მზად უნდა იყო. ჩვენი გუნდის ფეხბურთელების უმრავლესობა - სავარჯიშო დარბაზში ოფლად იღვრება.

რომელია შენი საყვარელი ტრენაჟორი დარბაზში?

გასაწელი ტრენაჟორი მომწონს! (იცინის) დარბაზი სავსეა სხვადასხვა აღჭურვილობებით.

ნაკლებად საყვარელი?

ძალიან არ მომწონს კრივის ტომრები.

ცნობილი ხარ შენი აღნაგობით - როგორ მიაღწიე ასეთ შედეგებს და როგორ შეინარჩუნე ის?

როცა "უიგანში" მივედი, პირადი მწვრთნელი მყავდა, რომელმაც ამიხსნა, რომ ფიზიკური ფორმა უნდა გამეუმჯობესებინა და საქმეს შევუდექით. კუნთოვან მასას ვიკრებდი, ამის შემდეგ "იუნაიტედში" გადავედი და გარი უოკერთან ერთად სატრენაჟორო დარბაზში გავაგრძელე მუშაობა, რომელიც ასევე დამეხმარა. ახლა კი დღეში 30-40 წუთს ვმუშაობ სატრენაჟორო დარბაზში.

რამდენად მნიშვნელოვანია დიეტა ფეხბურთში?

ძალიან მნიშვნელოვანია. ხანგრძლივი ვარჯიშის შემდეგ ჭამა ყოველთვის კარგია. პროდუქტის აუცილებელია რაოდენობის მიღების შემდეგ უკეთ ითამაშებ.

იმისათვის, რომ საკუთარი თამაში გააუმჯობესო, განსაკუთრებულ რამეს ჭამ?

არა, უბრალოდ სწორად უნდა იკვებო - თევზი, ბრინჯი, ქათამი.

ხვალ რომ კარიერა დაგესრულებინა, რის ჭამას შეწყვეტდი?

ბროკოლის! (იცინის)

მატჩის დღეს საუკეთესო კერძი?

პასტა ბოლონიეზე.

წყარო: carrick.ru