ლუი ვან გაალმა განაცხადა, რომ მადრიდის "რეალში" დავიდ დე ხეას გადასვლა გამორიცხული არ არის, მაგრამ "მანჩესტერ იუნაიტედს" მისი შენარჩუნება სურს.

დავიდი მიმდინარე სეზონში საოცარ თამაშს აჩვენებს, რის ფონზეც მისდამი ინტერესს კარლო ანჩელოტი იჩენს.

ესპანელი კიპერის კონტრაქტი 2016 წლის ბოლოს იწურება და "მანჩესტერ იუნაიტედი" ჯერ-ჯერობით არ ჩქარობს მასთან შეთანხმების გახანგრძლივებას.

ბოლო პერიოდში მიწყდა ჭორები იმის თაობაზე, რომ დე ხეას მშობლიური ქალაქის გრანდს დავიდის შეძენა სურს, თუმცა ვან გაალი ამას არ გამორიცხავს.

როცა ვან გაალს ჰკითხეს, რა ხდებოდა დე ხეას ახალ კონტრაქტთან დაკავშირებით, მან უპასუხა: "ვფიქრობ, ეს საკითხი მოთამაშესა და "მანჩესტერ იუნაიტედს" შორის უნდა გადაწყდეს."

ხოლო, როცა ჰკითხეს, შეიძლება თუ არა დე ხეა "რეალში" აღმოჩნდეს, მან უპასუხა: "საფეხბურთო სამყაროში ყველაფერი შეიძლება მოხდეს. თუმცა ჩვენ მისი შენარჩუნება გვსურს."

წყარო: M.E.N.