"მანჩესტერ იუნაიტედს" აცნობეს, რომ თუ მარკინიოსის შეძენა სურს, საფეხბურთო ისტორიაში მცველის ტრანსფერში გადახდილი რეკორდი უნდა დაამყაროს.

პარასკევს "იუნაიტედი" ინგლისის თასზე "კემბრიჯს" შეხვდა და მატჩი 0-0 დასრულდა, რამაც გუნდის სიძლიერის თაობაზე უამრავი კითხვა გააჩინა, ხოლო დაცვის ხაზი ჯერ კიდევ არ არის ოპტიმალური.

"წითელი ეშმაკები" საფრანგეთის ჩემპიონებს ახალგაზრდა მარკინიოსის შესაძლო საზაფხულო ტრანსფერის თაობაზე დაუკავშირდნენ.

ლუი ვან გაალმა სასურველი მცველების სია შეადგინა და ბრაზილიელიც მათ შორისაა, მაგრამ მისი შეძენა იაფი არ დაჯდება.

20 წლის ცენტრალური მცველი 18 თვის წინ საფრანგეთის დედაქალაქში "რომადან" 23.4 მლნ. ფუნტის სანაცვლოდ გადაბარგდა, თუმცა დავიდ ლუიზის მოსვლის შემდეგ მარჯვენა ფლანგზე უხდებოდა თამაში.

"იუნაიტედი" მარკინიოსისთვის 30 მლნ. ფუნტის გადახდას გეგმავდა, თუმცა პსჟ-მ ეს წინადადება უარყო და 50 მლნ. ფუნტი მოითხოვა - იგივე თანხა, რაც ფრანგებმა დავიდ ლუიზში გადაიხადეს.

ფეხბურთელის აგენტი: "გასულ ზაფხულს პსჟ-ს პრეზიდენტმა, ნასერ ალ-ხელაიფიმ განაცხადა, რომ მარკინიოსი არ გაიყიდებოდა. მიმდინარე წლის ზაფხულს კი ვნახავთ რას ფიქრობენ. მისით ბევრი კლუბი ინტერესდება, "მანჩესტერ იუნაიტედი" კი ერთ-ერთი მათგანია, ეს სიმართლეა."

წყარო: dailymail