25-01-2015, 20:56

ავტორი: Rosso Diavolo,

ნანახია: 3142,

კომენტარები: 11

"რვიანის" სიყვარულის რვა მიზეზი

ჯეიმ ტომპსონისა და ბენ ჰიბსის სტატია.

ხუან მატას "იუნაიტედში" გადასვლის ერთი წლის თავზე ჯეიმ ტომპსონმა და ბენ ჰიბსმა აირჩიეს 8 მიზეზი, თუ რის გამო უნდა გვიყვარდეს ხუანი.

საგოლე ალღო

იანვრის სატრანსფერო ფანჯრის შემდეგ მას ქულის დასაწერად 10 მატჩი დასჭირდა, თუმცა სეზონი ექვსი გოლით დაასრულა. 4 სასტარტო მატჩში, ესპანელმა 2 გოლი გაიტანა. გუნდში ერთ თამაშში გოლის გატანის მაღალი პროცენტული მაჩვენებლი აქვს. მატამ შესანიშნავი საჯარიმო დარტყმა გაუტანა "საუტჰემპტონსა" და "ნიუკასლ იუნაიტედს". ბოლო ერთი თვის განმავლობაში კი ბოლოს "ლივერპულთან" გატანა შეძლო, რომელიც გულშემატკივართათვის განსაკუთრებული იყო. მისი კავშირი თავდასხმასთან გუნდისათვის დიდი სარგებელის მომტანია.

შესანიშნავი ტექნიკა

გასულ სეზონში. "ოლდ ტრაფორდზე" თებერვალში გამართულ მატჩში "ფულჰემის" წინააღმდეგ უეინ რუნიმ მარჯვენა ფლანგზე შესანიშნავი პასი გააკეთა, ბურთმა ხუანს თავზე გადაუფრინა. ბევრი მოთამაშე ამ ბურთის მიღებას ვერ შეძლებდა, თუმცა ესპანელმა ეს გააკეთა, პირიქით ფეხბურთელსაც გასცდა და ჩვეული, მარცხენა ფეხით თამაში გააგრძელა. ეს მცირე დეტალია, მაგრამ მისი შესრულებით ბევრი ასეთი მაგალითის გახსენება შეგვიძლია. "იუნაიტედის" გულშემატკივრებმა იციან მატას შესაძლებლობები და მისი პროფესიონალიზმი და ასეთ მომენტებს ყოველთვის აპლოდისმენტებით აღნიშნავენ.

კარგი ადამიანი

არამარტო "იუნაიტედის" თანამშრომლები, არამედ თითქმის ყველა იცნობს მატას, როგორც კარგ ფეხბურთელს. ხოლო მასთან დაახლოებული პირები მის სასიამოვნო და მეგობრულ ხასიათს ყოველთვის აღნიშნავენ. ესპანელს ყოველთვის ღიმილი "ახატია" სახეზე. ხუანი ჭკვიანი, განათლებული და ჩამოყალიბებული ადამიანია. მასთან გასაუბრება ყოველთვის სასიამოვნოა. მეგობრები ყოველთვის აღიარებენ მის განუყოფლობას გასახდელ ოთახში და ასევე როგორც თარჯიმნად.

დე ხეასთან ურთიერთობა

მსოფლიოში ერთ-ერთი ყველაზე პოპულარული ფეხბრუთელების მეგობრობა twitter-შიც აღინიშნება. ისინი ფოტოებს კოსმიური სიჩქარით ტვირთავენ. ყველაზე დიდი გავლენა მოახდინა მატას გოლის აღნიშვნამ, როდესაც "ნიუკასლის" წინააღმდეგ გატანილი გოლი ესპანელმა, თავის თანამემამულესთან დავიდ დე ხეასთან ჩახუტებით აღნიშნა. დავიდი და ხუანი "იუნაიტედის" ესპანურ დიასპორაში ყველაზე წამყვანი ფეხბრუთელები არიან.

ბრძნული ფრაზები

როგორი შედეგიც არ უნდა დააფიქსიროს გუნდმა და ითამაშებს თუ არა კვირის მატჩში მატა, ესპანელი საკუთარ ბლოგზე ყოველ კვირას ჩანაწერს აკეთებს. ბლოგის წერა მატამ ჯერ კიდევ "ჩელსიში" თამაშის დროს დაიწყო და ეს ტრადიცია "იუნაიტედშიც" გააგრძელა. მატა მიიჩნევს, რომ ეს გულშემატკივრებთან კომუნიკაციის ერთ-ერთი საუკეთესო საშუალებაა. ის ასევე გულშემატკივრების კომენტარების ნახვასა და შეტყობინებებს სოციალურ ქსელებში დროს უთმობს. მისთვის ხალხის აზრს დიდი მნიშვნელობა აქვს.

სასაცილო და ცნობისმოყვარე პიროვნება

თუ თქვენ მატას გვერდს Twitter-ზე, Facebook-სა და Instagram-ზე გამოიწერთ, დაინახვთ თუ რამდენად დიდ ინტერესს იჩენს ის, არასაფეხბურთო ცხოვრებაში. "მე საკმაოდ სასაცილო და ცნობისმოყვარე პიროვნება ვარ. მიყვარს ფილმების ყურება, უქმე დღეებში საინტერესო ადგილებისა და სოფლების დათვალიერება." მას Instagram-ზე არამარტო ფეხბურთელებთან ერთად გადაღებული "სელფშოტები", არამედ მანჩესტერის ღირსშესანიშნაობებისა და პეიზაჟების სურათები აქვს. იგი კლუბის მუზეუმს ხშირად სტუმრობს და აცხადებს, რომ მისი გუნდის ისტორიის შესწავლა ძალიან მნიშვნელოვანია.

ქველმოქმედი

ხუანი თავისუფალ დროს ქველმოქმედებით არის დაკავებული. ის არის საქველმოქმედო ორგანიზაცია Laureus-ის ელჩი, რომელიც პატარებს ვარჯიშისა და ფეხბურთის შესწავლის საშუალებას აძლევს. ასევე მატა "Manchester United Foundation"-ის დიდი მხარდამჭერია. ცოტა ხნის წინ მანჩესტერში მცხოვრებ ბავშვებს 500 სათამაშო დაურიგა.

თანაგუნდელები ხუანზე

"ის პატარა ჯადოქარია"-მაიკლ კერიკი
"ხუანი ჭკვიანი და ნიჭიერი ფეხბურთელია. ის გასახდელში შესანიშნავ ატმოსფეროს ქმნის."-ფილ ჯონსი
"მატა მუდმივად აჩვენებს კლასს. ის ნამდვილად პროფესიონალი ფეხბურთელია."-რაიან გიგზი