"ვალენსიას" ცენტრალურ მცველზე, ნიკოლას ოტამენდიზე, გავრცელებული ჭორების მიუხედავად Manchester Evening New იტყობინება, რომ "იუნაიტედი" არ აპირებს ნაჩქარევი გადაწყვეტილების მიღებას და მათთვის მთავარ სამიზნედ ისევ "დორტმუნდის ბორუსიას" კაპიტანი, მატს ჰუმელსი, რჩება. ასეთი დონის მცველი გუნდს ნემანია ვიდიჩის გადაბირებს შემდეგ არ შეუძენია, თუმცა გერმანელის შეძენა ზაფხულში უფრო ლოგიკურად ჩანს, ვიდრე მომდევნო 10 დღეში.



ჭორები ასევე კიდევ ერთ მცველზე ვრცელდება, საუბარია ჰოლანდიის ნაკრების ცენტრალურ მცველზე, ბრუნო მარტინს ინდიზე, რომელსაც ვან გაალი ძალიან კარგად იცნობს. ის ერთ-ერთი საკვანძო ფიგურა იყო მსოფლიოს ჩემპიონატზე და დიდი წვლილი შეიტანა გუნდის წარმატებაში. უკვე ზაფხულშივე იყო ჭორები, მის "იუნაიტედში" შესაძლო გადასვლაზე, თუმცა ბრუნომ "პორტუს" მიაშურა. მიუხედავად ამისა "წითლები" მზად არიან პორტუგალიელებს 10 მილიონი ფუნტი გადაუხადონ მცველის სანაცვლოდ. "სულიერად მე მაქვს კონტაქტი ვან გაალთან. მე ვფიქრობ მასზე, ის კი - ჩემზე"- განაცხადა ერთ-ერთ ინტერვიუში ინდიმ.



წყარო: carrick.ru