მადრიდის "რეალი" მზადაა "მანჩესტერ იუნაიტედის" პირველი ნომერისთვის სარეკორდო შეთავაზება გააკეთოს.

Daily Star-ის ინფორმაციით, მადრიდული კლუბი ესპანელი კიპერისთვის ზაფხულში 50 მლნ. ფუნტს გაიღებს.

ამჟამად მეკარეში გადახდილი თანხის რეკორდი "იუვენტუსს" ეკუთვნის, რომელმაც 14 წლის წინ "პარმას" ჯანლუიჯი ბუფონის სანაცვლოდ 33 მლნ. ფუნტი გადაუხადა.

"წითელ ეშმაკებს" არ სურთ დე ხეასთან განშორება, მაგრამ ვიქტორ ვალდესის გაფორმების შემდეგ დავიდის წასვლისთვის ფაქტიურად ემზადებიან. გადამწყვეტ მომენტად შესაძლოა ახალ კონტრაქტზე დე ხეას უარი იქცეს - მოქმედი შეთანხმება მომდევნო სეზონის დასასრულს იწურება.

"მომდევნო სეზონში დე ხეა "რეალში" გადავა" - განაცხადა ესპანურ კლუბთან დაახლოებულმა წყარომ.

Sunday Express ადასტურებს, რომ "რეალი" 24 წლის კიპერში იკერ კასილასის შემცვლელს ხედავს, მაგრამ "იუნაიტედს" ეს ტრანსფერი საშუალებას მისცემს დიდი ხნის სამიზნე, გარეტ ბეილი შეიძინოს.

ლუი ვან გაალი კი მზადაა "ტოტენეჰმის" ყოფილი ფეხბურთელის მისაღებად თავისი მეკარე "გასწიროს".



წყარო: BBC