გამოცემა Mirror იუწყება, რომ გუშინ საღამოს ციურიხში გამართული "ფიფას" "ოქროს ბურთის" ცერემონიის დაწყებამდე, ანხელ დი მარიამ "რეალის" მაისურებზე ხელის მოწერაზე უარი განაცხადა.

არგენტინელმა დაჯილდოებაში მონაწილეობა მიიღო და 2014 წლის მსოფლიოს საუკეთესო გუნდშიც კი მოხვდა: ტონი კროოსის, ანდრეს ინიესტას, კრიშტიანუ რონალდუსა და სხვათა გვერდით. სამწუხაროდ ანხელმა გულშემატკივრების დიდი ნაწილი გაწბილებული დატოვა.

შესამჩნევი გახდა, რომ გულშემატკივრებს, რომლებსაც მადრიდის "რეალის" მაისური ეკავათ ხელში თავდაპირველად შეხედა შემდეგ, კი თვალი აარიდა და ცოლთან ერთად შენობაში შევიდა. Mirror–ის ცნობით კი ანხელმა განმარტა, რომ ეს არა ნოსტალგიის არამედ სხვადასხვა დიპლომატიური მიზეზების გამო გააკეთა.



წყარო: Redevils.ru