"მანჩესტერ იუნაიტედი" მზადაა მორგან შნეიდერლინისთვის 25 მლნ. ფუნტი გადაიხადოს.

"საუთჰემპტონის" ფეხბურთელი "ტოტენჰემისა" და "არსენალის" სატრანსფერო სამიზნეს წარმოადგენს, მაგრამ "იუნაიტედი" მზადაა ლონდონურ გუნდებს წინააღმდეგობა გაუწიოს და მიმდინარე თვეში შეეცადოს ფეხბურთელის შეძენას.

გამომდინარე იქიდან, რომ "რომა" კევინ სტროოტმანის გაყიდვას არ აპირებს, ვან გაალმა თავისი ყურადღება საფრანგეთის ნაკრების 27 წლის ფეხბურთელს მიაპყრო, რომელმაც უკანასკნელ მატჩში მასზე შთაბეჭდილების მოხდენა შეძლო.

"იუნაიტედი" "ოლდ ტრაფორდზე" განცდილი მარცხის შემდეგ სატურნირო ცხრილში "წმინდანებზე" ქვემოთ იმყოფება, ხოლო უახლოეს მდევარს, "არსენალსა" და "ტოტენჰემს" შესაბამისად 1 და 3 ქულით უსწრებს - ეს გუნდები ჩემპიონთა ლიგაზე მოხვედრისთვის იბრძვიან.

წყარო: express.co.uk