პრეს-კონფერენციაზე ლუი ვან გაალმა უკვე განაცხადა, რომ მის გუნდს მხოლოდ ერთი ტრავმირებული მოთამაშე ჰყავს, თუმცა მენეჯერმა უფრო დაწვრილებით ისაუბრა გუნდზე.

როგორც მოგეხსენებათ გავრცელებუი ინფორმაციით, "ეშმაკების" ორი ფლანგის მცველი, "იოვილთან" მატჩში ტრავმის გამო შეცვალეს, თუმცა სერიოზული იყო თუ არა ეს დაზიანებები არავინ იცოდა. ვან გაალმა მათზე ასეთი კომენტარი გააკეთა:

"ორივე მათგანს შეუძლია თამაში. არცერთი მათგანი არ არის ტრავმირებული, თუმცა რაფამ სულ ახლახანს გაიკეთა ოპერაცია და შეიძლება არ გავრისკოთ მისი გამოყენება, ხოლო ლუკი სრულ მზადყოფნაშია."

ლუიმ ნახევარდაცვის დუეტზეც გვამცნო ახალი ამბები:

"ბლინდი უკვე ერთ კვირაზე მეტია გუნდთან ერთად ვარჯიშობს და შეუძლია თამაში, ფელაინიც დაგვიბრუნდა ამ კვირაში.

მარკოს როხოც ჩვენთან ერთადაა და შესაძლოა მანაც ითამაშოს, თუმცა არ ვიცი. რაც არ უნდა გასაკვირი იყოს, ჩვენ ერთი ტრავმირებული გვყავს და ეს ეშლი იანგია. დაუჯერებელია, თუმცა ცხადია! რა თქმა უნდა, მნიშვნელოვანია მატჩის რიტმიც, თუმცა ფაქტი რომ, ყველა ჯამრთელადაა ეს ძალიან მახარებს."


წყარო: manutd.com