დღეს მოთმინების გამოვლინება მოგიხდათ არა ლუი? იცდიდით, სანამ მოწინააღმდეგის დაცვის გარღვევას მოახერხებდით, სანამ რამე განსაკუთრებულს შექმნიდით, რათა მატჩის ვითარება შეგეცვალათ.

დიახ. ასეთი გუნდების წინააღმდეგ თამაში ყოველთვის რთულია. ტრავმირებულების პრობლემა მოგვემატა - რაფამ ძალიან მალე მიიღო დაზიანება. ჩვენ ბრძოლას ვაგრძელებდით. მაკნეირს დაზიანება აქვს, შოუს ტერფთან დაკავშირებული პრობლემა აქვს, ამიტომ ცვლილებების განხორციელება მომიხდა. სხვა მცველები არ მყავს. მეორე ტაიმში მოედანზე გამოვიდა არა 5, არამედ 4 მცველი, ნახევარდაცვაში კი 4 მოთამაშე აღმოჩნდა. მეორე ტაიმში უკეთ ვითამაშეთ, ბურთს ვაკონტროლებდით, მოთმინებას ვინარჩუნებდით. სწორედ ამის ხარჯზე მოვახერხეთ გოლის გატანა.

ანუ, საბოლოო ჯამში კმაყოფილი ხართ? თქვენი ფეხბურთელების თამაში როგორ მოგეწონათ?

არ ვარ კმაყოფილი, რადგან არ მიმაჩნია, რომ მოწინააღმდეგე თავისუფლად მოქმედების საშუალებას გვაძლევდა. ისინი თითოეული ბურთისთვის იბრძოდნენ, კარგი მატჩი ჩაატარეს. აღფრთოვანებული ვარ "იოვილის" მწვრთნელითა და ფეხბურთელებით, ვაფასებ მათ. დიდი თავისტკივილი გაგვიჩინეს. შეხვედრის მეორე ნახევარში უფრო მეტი დრო და თავისუფალი სივრცე გვქონდა, ამიტომ უკეთ ვითამაშეთ. ჩემმა ფეხბურთელებმა კი ინდივიდუალურად ჩვეულებრივზე ცუდად ითამაშეს.

შედეგი არის, ახლა მომდევნო რაუნდის კენჭისყრას დაელოდებით ორშაბათს, რაც, რა თქმა უნდა, ყველაფერზე მნიშვნელოვანია. ვფიქრობ, ამის შესახებ ფეხბურთელებს ეტყვით.

დიახ, დიახ. დაზიანებების გამო ფეხბურთელთა მცირე არჩევანი მაქვს, ზურგს უკან ჩემპიონატის საშობაო მონაკვეთი გვაქვს. ჩვენ თასის მომდევნო რაუნდში გავედით, პრემიერ ლიგაში "ჩელსისთან" სხვაობას ვამცირებთ, მეტი რაღა გვინდა?

დიდი მადლობა ლუი, გმადლობთ!

კარგი.



წყარო: carrick.ru