"მანჩესტერ იუნაიტედის" მთავარი მწვრთნელი, ლუი ვან გაალი აცხადებს, რომ "ოლდ ტრაფორდზე" ლამაზი ფეხბურთის ჩვენებას ესწრაფვის.

ჰოლანდიელი ამტკიცებს, რომ თავისი სამწვრთნელო კარიერის განმავლობაში ნანახი 1000-ზე მეტი მატჩიდან მხოლოდ ერთი ნახა იდეალურად ჩატარებული. ისიც კი ნაკლოვანებით! 1995 წელს მისმა "აიაქსმა" ჩემპიონთა ლიგის ფინალში "მილანი" დაამარცხა, მომდევნო სეზონში კი "სანტიაგო ბერნაბეუზე" "რეალს" სძლია 2:0.

არბიტრმა იარი ლიტმანენის ორი გატანილი გოლი არ ჩათვალა და მატჩის შემდეგ "აიაქსი" "ბერნაბეუს" აუდიტორიამ აპლოდისმენტებით დააჯილდოვა.

ვან გაალმა კი თავისი ფეხბურთელები ასეთი მატჩის შემდეგაც არ შეაქო:

"ყველას მიაჩნია, რომ რადგან ჩემპიონთა ლიგა მნიშვნელოვანი ტურნირია, ხოლო "ბერნაბეუ" ლამაზი სტადიონი, თამაშიც იდეალური გამოვიდა. მაგრამ მე უამრავი შეცდომა შევამჩნიე!"

თუმცა 20 წლის შემდეგ ვან გაალი ასეთი მკაცრი აღარ არის და ამ თამაშს საუკეთესო უწოდა: "სრულყოფილი ფეხბურთი? ვფიქრობ, "აიაქსი". "რეალთან" 1995 წელს გასვლითი შეხვედრა. შესაძლოა, ეს იყო იდეალური მატჩი. შესაძლოა, მხოლოდ შესაძლოა! და ვფიქრობ, ეს ერთადერთი ასეთი მატჩია."

"იყო თუ არა მსგავსი რამ "მანჩესტერ იუნაიტედში"? არა, ვწუხვარ, მაპატიეთ"

მიუხედავად ამისა, "წითელი ეშმაკების" ქომაგები ვან გაალს იმედის თვალით უყურებენ და სჯერათ, რომ დევიდ მოიესის ხელმძღვანელობის ქვეშ გამოვლილი 2014 წლის სეზონი ვან გაალის დროს აღარ განმეორდება.

"არასდროს მინახავს ფრისა თუ მარცხის შემდეგ საშინაო არენაზე გულშემატკივარმა ტაში დაეკრას და საკუთარი რწმენა გაჩვენოს. არასდროს!"

"ბარსელონაში" ქომაგი თეთრ ცხვირსახოცს იქნევს, "ბაიერნში" უსტვენს. "აიაქსში" კი ჩემი მეგობრის, კრუიფის სახელს სკანდირებდნენ."

"ხოლო აქ, ქომაგი ფეხზე დგომით გიკრავს ტაშს. ეს დაუჯერებელია."

"ამიტომ, ჩვენი გუნდის ქომაგების მადლიერი ვარ - ისინი უმნიშვნელოვანესები არიან!"

წყარო: carrick.ru