ჩაიარა 2014-მა წელმა. ამ წლის განმავლობაში ჩვენ თქვენთან ვიყავით. ვცდილობდით, ფეხი აგვეწყო თქვენთვის, ვცდილობდით, გვეთქვა ის, რაც ხდებოდა, ვცდილობდით, ვყოფილიყავით ყოველთვის თქვენი ინტერესების დამცველნი და გამტარებელნი, ვცდილობდით, რომ თითოეული დღე უკეთესი ყოფილიყო წინაზე, ვიკრიბებოდით ერთად, აღვნიშნავდით გამარჯვებას და ვიზიარებდით მარცხს...

რა და როგორ გამოგვივიდა, თქვენ უკეთ ხედავთ, ჩვენ მხოლოდ ერთის თქმა შეგვიძლია: ის, რასაც ყოველი ნაბიჯის გადადგმისას ვგრძნობთ, უდიდესი პასუხისმგებლობის გრძნობაა, რასაც თქვენი ჩვენდამი აქტიური ნდობა განაპირობებს, დიდი მადლობა თითოეულ თქვენგანს ამისათვის.

გპირდებით, რომ 2015 წელსაც ზუსტად ისევე და კიდევ უფრო მეტად ვეცდებით, როგორც 2014 წელს ვცდილობდით. სამომავლოდ კიდევ უფრო მეტ პროექტს გეგმავს RedArmy და მათ განხორციელებაში ისევ და ისევ თქვენ უნდა შეიტანოთ წვლილი, ჩვენ უკვე ორ წელზე მეტია ერთი ოჯახი ვართ. ერთი დიდი არმია!

დაე, პირველ რიგში ჩვენი ქვეყნის ერთიანობის, ურთიერთსიყვარულის, ხვავისა და ბარაქის მომტანი ყოფილიყოს 2015 წელი, ისევე როგორც თქვენთვის. საიტის ადმინისტრაცია გილოცავთ ახალ წელს და გისურვებთ ყოველივე საუკეთესოს თქვენს საყვარელ ადამიანებთან ერთად!