წარუმატებელი 2013/2014 წლების სეზონის შემდეგ მარუან ფელაინის სახელი "უიღბლოს" სინონიმად იქცა.

დევიდ მოიესის ხელძღვანელობის ქვეშ ბელგიელი ერთადერთი ფეხბურთელი იყო, რომელიც "იუნაიტედმა" ზაფხულში შეიძინა, მაგრამ მარუანმა თავის გამოჩენა ვერაფრით მოახერხა და საბოლოოდ გუნდი მე-7 ადგილზე გავიდა.

2014-2015 წლების სეზონში კი ლუი ვან გაალის გუნდში მარუან ფელაინი ძირითად შემადგენლობაში თამაშობს და ზედიზედ მოპოვებული 6 გამარჯვების შედეგად "წითლებმა" პრემიერ ლიგაში მესამე ადგილზე გადაინაცვლეს.

"გაზეთები წერდნენ, რომ ვან გაალს ჩემი ხილვა ძირითად შემადგენლობაში არ სურდა, მაგრამ სიმართლე ხომ ვიცოდი. მას ვესაუბრე და მითხრა, რომ უნდა საქმეში მნახოს. ამის შემდეგ თავი ვარჯიშებზე წარმოვაჩინე და გუნდის ძირითადში დავმკვიდრდი."

"როგორც სხვები ფიქრობდნენ, ვან გაალს ჩემზე ზეწოლა არ მოუხდენია, მან მოედანზე თავის გამოჩენისა და გუნდის ნაწილად ქცევის შანსი მომცა, მხარს მიჭერდა. ვან გაალი ჩემში თავდაჯერებულბას ნერგავს, ეს მართლაც დამეხმარა, მაგრამ არასდროს მიფიქრია, რომ "მანჩესტერ იუნაიტედში" თავის გამოჩენას ვერ მოვახერხებდი."

წყარო: carrick.ru