"მანჩესტერ იუნაიტედის" მთვარმა მწვრთნელმა საკვირაო მატჩის წინ პრეს-კონფერენცია გამართა და ჟურნალისტებისთვის საინტერესო კითხვებს უპასუხა.

უკვე ჩვეულებად იქცა პრეს-კონფერენციის დაწყება ტრავმირებულბზე ლაპარაკით. ლუიმ გუნდის ამბები გაამხილა: "ახლა მე 4 ტრავმირებული მყავს და ეს ჩემს აქ ყოფნაში საუკეთესო შედეგია. მხოლოდ ლუკ შოუს, კრის სმოლინგის, ანხელ დი მარიას და დეილი ბლინდის გამოყენება არ შემიძლია, რაც შეეხება ფალკაოს, ვფიქრობ მას შეუძლია სრულფასოვანად დაბრუნება."

ჟურნალისტებმა მთავარ მწვრთნელს ჰკითხეს იმის შესახებ, აანალიზებენ თუ არა ფეხბურთელები "ლივერპულთან" შეხვედრის მნიშვნელობას:

"მე დიდებული ასისტენტი მყავს რაიან გიგზის სახით, მან შემდეგი, "ლივერპულთან" გასამართი მატჩისთვის შესანიშნავი ანალიზი მოამზადა, მე მოხიბლული ვარ ამით."

ვან გაალმა მოწინააღმეგეზეც ისაუბრა: "როდესაც ჩვენ ტურნეზე ვიყავით, სამწვრთნელო შტაბის თითოეული წევრი მესაუბრებოდა ამ დიდებულ დაპირისპირებაზე. ვფიქრობ მათ კვლავ შესწევთ ძალა იბრძოლონ ოთხეულისთვის და მათაც სჯერათ ამის, რადგან ძალიან კარგი გუნდი ჰყავთ. ჩვენ მსგავსად, მათაც ძალიან ბევრი ტრავმირებული ჰყავთ, რაც ძალიან დიდი პრობლემაა."

ლუის ჰკითხეს იქნება თუ არა მისი გუნდი მდევრის როლში და იბრძოლებს თუ არა "სიტის" და "ჩელსის" წინააღმდეგ: "არა! მე მსურს დავიკავო მათი ადგილი, არ მინდა მდევრის როლში ვიყო. თუმცა ახლა უნდა ვიცხოვროთ დღევანდელი დღით. ჩვენ გვაქვს მატჩი "მერსესაიდელების" წინააღმდეგ და აუცილებლად უნდა გავიმარჯვოთ, ამის შემდეგ შეიძლება სხვა რამეზე ფიქრიც."

წითლების მენეჯერმა "ოლდ ტრაფორდის" აუღებელ ციხე-სიმაგრედ ქცევის მნიშვნელობაზეც ისაუბრა: "ენით აღუწერელი იმედგაცრუება იყო, როდესაც ჩვენ პირველივე მატჩი წავაგეთ საკუთარ კედლებში, თუმცა მას შემდეგ ყველაფერი შეიცვალა. "ლივერპულის" დამარცხება კიდევ ერთხელ აჩვენებს იმას რომ, "ოლდ ტრაფორდი" ისევ საშიში ადგილი ხდება."


www.manutd.com