"მანჩესტერ იუნაიტედში" ყველაზე სწრაფი ფეხბურთელი ხართ?

დარწმუნებული არ ვარ. უეინ რუნი სწრაფია, ასევე ადნან იანუზაი - ვფიქრობ მათ შორის უნდა აირჩიოთ...

რა შესძინა რადამელ ფალკაომ "იუნაიტედის" გასახდელ ოთახს? არის ის ისეთი შთამაგონებელი პიროვნება როგორც სხვები ამბობენ?

დიახ, არის. ის თანაგუნდელებს მოტივაციას მატებს და ჩვენ მოუთმენლად ველოდებით მის მოედანზე დაბრუნებას. ყველანი დარწმუნებულნი ვართ, რომ ის ჩვენთან კარგად წარმოაჩენს თავს.

ვარჯიშებზე ვინ გაცინებთ ყველაზე მეტად?

ანდერსონი ყოველთვის იცინის და ვარჯიშებს მოღიმარი სახით ატარებს. მას გასაოცარი იუმორის გრძნობა აქვს.

შეიძლება კარიერის გვიანდელ ეტაპზე ცენტრალური ნახევარმცველის პოზიციაზე გადაინაცვლოთ?

დიახ, იქ "იუნაიტედისა" და ეკუადორის ნაკრების რიგებში ერთხელ თუ ორჯერ მითამაშია. სადაც არ უნდა მოგთხოვონ თამაში, შენ მთელი გულისყურით უნდა მოეკიდო საქმეს. უფრო მნიშვნელოვანი ის არის, რომ თუ კარგად თამაშობ ყველა ბედნიერია.

ვინ არის ყველაზე რთული მცველი, ვისაც ოდესმე დაპირისპირებიხართ?

უნდა ვთქვა ვარჯიშებზე ნემანია ვიდიჩი - ნამდვილი კლდე იყო. მაგრამ ყველა მცველი რთული მეტოქეა, ისინი ფიზიკურად კარგად არიან მზად და ინჩსაც არ გითმობენ.

წყარო: manutd.com